Qubad Talebanî peyamek li ser vekişîna Hêzên Hevpeymanan belav kir

Nivîsingeha Ragihandina Qubad Talebanî

Qubad Talebanî

Qubad Talebanî Cîgirê Serokwezîrê Hikûmeta Herêma Kurdistanê ragihand ku hêzên hevpeyman dê ji Îraq û Herêma Kurdistanê vekişin, em ji bo hemû alîkariyên wan yên ji bo hêzên Pêşmerge û Artêşa Îraqê di şerê li dijî terorê û parastina ewlehî û aramiyê de li Îraq û Kurdistanê spasdar in.

Naveroka daxuyaniya Qubad Talebanî:

Di roja bidawîhatina erka hevpeymaniyê û vekişîna hêzên wan ji Îraq û Herêma Kurdistanê de,em ji bo hemû alîkariyên wan yên ji bo hêzên Pêşmerge û Artêşa Îraqê di şerê li dijî terorê û parastina ewlehî û aramiyê de li Iraq û Kurdistanê spasdar in.

Her weha di vê rojê de, em hemû şehîdên Pêşmerge, Artêşa Îraqê û hevpeymanan bi bîr tînin û silav li giyanê wan dikin.

Me li Herêma Kurdistanê di sê qonaxên girîng û biryardar de wekî ragihandina herêma qedexeya firînê di sala 1991.an de, bi taybetî ji aliyê Amerîka, Brîtanya û Fransayê ve, alîkariya hevpeymaniyê wergirtiye û emê qet hilweşandina dîktatoriya Beisê di sala 2003.an de û şerê li dijî terorîstên DAIŞê piştî wê ji bîr nekin.

Di dema niha de jî, vekişîna hevalbendan û vegera serweriya tevahî bo Îraqê kêliyek dîrokî ya girînge ji bo Îraq û Herêma Kurdistanê, hem ji bo hikûmetên federal û hem jî ji bo hikûmetên herêmî û hemû hêzên siyasî yên li Îraq û Kurdistanê û em hemû bi berpirsiyariyeke mezin re rû bi rû ne;divê em ji welatiyên Îraqî û civaka navneteweyî re îspat bikin ku em dikarin serwerî, ewlehî û aramiya welatê xwe biparêzin.ev erk jî bêyî hevkariya di berjewendiya giştî de û bêyî bicîhanîna tevahî ya destûrê nayê bidestxistin.

Wek hêzên siyasî yên Kurdistanê, em bi berpirsiyariyeke dîrokî re rû bi rû ne,erka me ye ku em bi yekîtî û lihevkirinê ji bo xurtkirina saziyên rewa û ber bi rêveberiyeke baştir, xizmetguzar û dadperwertir ve biçi, ji ber ku di dawiyê de, destkeftiyên dîrokî yên gelê me tenê bi piştgirî û baweriya welatiyên me dikarin werin parastin.


Di dawiyê de, em ji welatiyên xwe re piştrast dikin ku hevkarî û hevahengiyek pir baş di navbera her du hikûmetên federal û Herêm de heye, û hêzên Pêşmergeyên Kurdistanê jî di asta herî bilind de n;wekî herdem, ew amade ye ku canê xwe feda bike ji bo parastina xaka Kurdistanê û milkê welatiyan ji her gefê.

PUKMEDIA