Ragihandina Ewlehiyê: Rê nadin çek li derveyî dewletê bên hilgirtin

Ajans

Se`d Mein

Serokê Desteya Ragihandina Ewlehiyê, Ferîq Se'd Mein, îro Pêncşemê ragihand ku; Tomarkirina gelek çekan li navçeyên eşîrî û dûrî bajaran hatiye bi dawîkirin û diyar kir ku hilgirtina çekan derveyî çarçoveya dewletê bi ti awayî nayê qebûlkirin.

Mein, di daxuyaniyekê de ji bo Ajansa Nûçeyên a Îraqê axiviye û gotiye: Dema bê wê bibe şahidê tevlêbûna komên din di mijara rêxistinkirina çekan û girtina wan di bin desthilata dewletê de.

Wî tekez kir ku; Hilgirtina çekan derveyî çarçoveya dewletê bi ti awayî nayê qebûlkirin û divê çek bi rêya desthilat û rêkûpêk kirina dewletê bin.

Se`d Mein zêde kir û got: Komîteya Daîmî ya rêxistinkirina çekan a li Wezareta Navxwe berdewame li ser karê xwe û ev kar jî zindî ye, bandorker e û ji aliyê hikûmetê piştgiriya wê tê kirin.

Serokê Desteya Ragihandina Ewlehiyê diyar jî kir ku; Hikûmetê li gelek navçeyên eşîrî, bi taybetî yên dûr ji bajaran, tomarkirina çekan bi dawî kiriye, operasyonên tomarkirina çekan, çi yên têkildarî eşîran bin û çi yên welatiyan bin, giring û diyar in û wêneyekî li ser hejmar û rêxistinkirina çekan didin hêzên ewlehiyê, bi awayekî ku li gorî hewldana berfireh a hikûmetê ya di pêvajoya rêxistinkirina çekan de be.

Wî her wiha da xuyakirin ku "Kar li ser rêxistinkirina çekan li astê koman, eşîran û welatiyan tê kirin, û destnîşan kir ku "hejmara çekên hatine tomarkirin nêzîkî şeş mîlyonan ye.

PUKMEDIA