Serokwezîrê Îraqê: Yekxistina hêzên pêşmerge, yekrêziya biryara ewlehî û leşkerî xurtir dike

Ragihandina serokwezîr Elî Zeydî

Elî Zeydî serokwezîr

Serokwezîrê Îraqê radigihîne: Yekxistina hêzên pêşmerge, yekrêziya biryara ewlehî û leşkerî xurtir dike Nivîsgeha ragihandinê ya serokwezîr ragihand ku êvara îro pêncşemê, serokwezîrê Îraqê serperiştiya «Konferansa Roja Serweriyê» kir, bi amadebûna Heybet Helbûsî serokê Encumena Nûneran û hejmarek ji berpirsan, serokên hêzên siyasî, nûnerên şandên dîplomatîk û kesayetiyên civakî. Di heman demê de, di gotarekê de Elî Zeydî serokwezîrê Îraqê ragihand: Îro hewl û xebatên gelê Îraqê bi destkeftinekê digihin encamê ku hêjayî Îraq û serweriya wê ne û berhemê sebir û xebata berdewam diçinîne, welatê me bi bereketa xwîna şehîdên xwe karî ku yek ji mezintirîn şerên dîroka nûjen derbas bike û bingehên serweriya xwe li ser xak, asiman û avê herêmên xwe temam bike.

Wî her wiha ragihand: Îraq dewletek e ku bingehên serweriya siyasî, aborî û ewlehî tê de cîgir dibin, desthilata qanûnê li seranserê axa xwe serdest dibe û dewlemendiyên wê jî li gorî destûrê di destê xizmên Îraqiyan de ne. Me di hemû ceribandinên çetinde de serketin bi dest xist, heta gihîştina vê demê niha ku gelê me biryara xwe ya ji bo parastina dewlet û sîstema wê nû dike û rê li ber wan kesên ku berjewendiya giştî dikin dergehek ji bo destkeftiyên xwe yên taybet digire.

Serokwezîrê Îraqê da xuyakirin ku ew serweriya ku Îraqê îro bi dest xistiye, di gelek rastiyên niştimanî yên temamkirî de xwe dide der, ku ev in:

Yekem: Vekêşana hêzên biyanî û bidawîbûna tam a erka hevpeymaniya navneteweyî li Îraqê.

Duyem: Lihevkirina li ser vekêşana hêzên Tirkiyeyê û çekdarên Partiya Karkerên Kurdistanê (PKK) û bidawîanîna hebûna komên çekdar ên biyanî li ser axa Îraqê.

Sêyem: Yekxistina hêzên pêşmerge, bi wî rengî ku yekrêziya biryara ewlehî û leşkerî xurt bike.

Çarem: Bidawîanîna hebûna her opozîsyoneke çekdar a biyanî li ser axa Îraqê û rêgirtina li wê yekê ku Îraq bibe baregehek ji bo êrîşkirina ser welatên cîran.

Pêncem: Kontrolkirina dosya çek li gorî destûr û qanûnê û li gorî wê bernameya demkî ya ku li ser hatiye lihevkirin ji bo çareserkirina rewşa koman û tevlîkirina wan di nava saziyên dewletê de.

Şeşem: Destpêkirina avakirina sîstemekî niştimanî yê xurt ê parastina asmanî ji bo xurtkirina şiyanên Îraqê di parastina asman û serweriya xwe de.

PUKMEDIA