Wezareta Çandiniyê û Yekîtiya Jinan projeya Jin û Erd ragihandin

PUKMEDIA

Bêgerd Talebanî wezîra çandiniyê

Wezareta Çandiniyê û Yekîtiya Jinên Kurdistanê ji bo piştevaniya jinên cotkar, projeya "Jin û Erd" dan ragihandin û Wezîrê Çandiniyê jî dibêje: Em dikarin bi rêya vê projeyê piştevaniya jinên cotkar bikin û pêşveçûnê bidin şiyanên wan.

Îro 4ê Çiriya Pêşîn a 2026an, di merasîmekê de bi amadebûna Bêgerd Talebanî Wezîra Çandiniyê û Çavkaniyên Avê ya Hikûmeta Herêmê û Lava Hikmet, Rêvebera Giştî ya Yekîtiya Jinên Kurdistanê, projeya "Jin û Erd" ji bo piştevaniya jinên cotkar hate ragihandin û her du aliyan peymaneke têgihiştinê îmze kirin.

Di merasîmê de Bêgerd Talebanî Wezîra Çandiniyê û Çavkaniyên Avê ya Hikûmeta Herêmê ragihand: (Jin û Erd) projeyeke girîng û stratejîk e, ji ber ku em bi hev re dikarin baştir piştevaniya jinên cotkar bikin û pêşveçûnê bidin şiyanên wan, li sînorê parêzgehên Silêmanî û Helebçeyê û rêveberiyên xweser ên Soran û Germiyanê û piştre jî li seranserê Herêma Kurdistanê.

Wê her wiha got: Ev proje, beşek e ji wê çandê ku ji destpêka destbikarkirina me ve li Wezareta Çandiniyê me xwestiye ku yekîneyeke wekheviya zayendî û pêngavên pêwîst li aliyê avakirina pêwendiyeke rast bi jinan re bavêjin, di heman demê de bi vê rêyê deriyekî aborî li pêşiya jinan vedikin û em dikarin şiyanên wan pêşve bibin.

Projeya (Jin û Erd) ku projeyeke hevpar a Wezareta Çandiniyê û Çavkaniyên Avê ya Hikûmeta Herêmê û Yekîtiya Jinên Kurdistanê ye, kar ji bo piştevaniya jinên cotkar û pêşvebirina şiyanên wan dike, da ku jinên cotkar bikarin aboriyeke baştir û serbixwe hebe.

PUKMEDIA