Nirxê 100 Dolarî gihîşte 160 hezarî

PUKMEDIA

Dolar

Li gel vedenga cîgirîkirdina bihayê 100 dolarî bi 150 hezar dînarî ji aliyê Banka Navendî ve, bihayê dolar bilind bû.

Li gorî du rojên borî, bihayê 100 dolarî zêdetirî du hezar dînarî li bazarên Îraqê û Herêma Kurdistanê bilind bû, di demekê de ku duh bihayê 100 dolarî kêmtir ji 158 hezar dînarî bû, lê îro gihîştiye 160 hezar dînarî.

Di vê warî de xwediyê nivîsgeheke danustandina drav li bazara dravî ya Silêmaniyê ji PUKMEDIAyê re ragihand: Vê carê bilindbûna bihayê dolar ne bi daxwazê ve girêdayî ye, belkî bi wan dengoyan ve girêdayî ye ku behsa wê yekê dikin ku di budceya 2027an a Îraqê de Banka Navendî 100 dolarî bi 150 hezar dînarî diyar dike, ev jî ji bo tijîkirina ew kêmasiya ku heye.

Xwediyê nivîsgehê her wiha ragihand: Di dema niha de ku Banka Navendî bihayê 100 dolarî bi 132 hezar dînarî diyar kiriye, lê li bazarê ferq nêzîkî 20 hezar dînarî ye û li jorî 150 hezar dînarî danustandin pê dihat kirin. Ji ber wê, eger ew dengo rast be û Banka Navendî bihayê 100 dolarî bi 150 hezar dînarî diyar kiribe, bê guman li bazarê bihayê 100 dolarî dê bigihîje serê 170 hezar dînarî, tev ku niha bihayê dolar bilind kiriye.

Her çend civînên Lijneya Darayî ya Encûmena Nûnerên Îraqê û Banka Navendî û herdû wezaretên darayî yên Îraqê û Herêma Kurdistanê derbarê projeyasaya budceya 2027an de berdewam in û ji aliyê Banka Navendî ve bi fermî bihayê 100 dolarî bi 150 hezar dînarî nehatiye ragihandin, lê dengoyên derbarê diyarkirina bihayê dolar bi vî bihayî bandor li ser bazarê kiriye û bi bilindbûna bihayê dolar re bihayê tiştan jî bilind bûye.


PUKMEDIA