WHO:Ji ber şerê li Yemenê de 959 kes mirin û 4207 kes birîndar bûn

Ajans

Koçberên Yemenê

Rêxistina Tenduristiyê ya Cîhanê (WHO) ragihand ku ji ber zêdebûna tundûtûjiyê li Yemenê 959 kes mirine û 4207 kes jî birîndar bûne, bi qasî 198 hezar kes jî ji cih û warên xwe bûne.

 Rêxistina Tenduristiyê ya Cîhanê (WHO) hişyarî da ku rewşa tenduristiyê xiraptir dibe û valahiyek girîng ya fînansmanê heye ku xizmetên lezgîn û lênihêrîna pijîşkî tehdît dike.

Rêxistina Tenduristiyê ya Cîhanê ragihand ku di encama gurrbûna şer û pevçûnan li Yemenê de 959 kes hatine kuştin û 4207 kes jî birîndar bûne, di heman demê de hejmara kesên ku ji cih û warên xwe bûne jî gihîştiye nêzîkî 198 hezar kesî, di demekê de ku pêdiviyên tenduristiyê bi lez xirab dibin.

Rêxistinê piştî ku pêdiviyên xwe yên lezgîn ji 9 milyon dolarî bo 31 milyon dolarî zêde kir, ku heta niha tenê 2.1 milyon dolar ji wan hatiye wergirtin, hişyarî da ku valahiyek mezin a darayî gefê li bersiva tenduristiyê dixwe.

Rêxistinê di daxuyaniyekê de got ku li gorî amarên Wezareta Tenduristiyê û Nifûsê heta 2ê Cotmehê, hejmara miriyan deh parêzgehan li xwe digire, di heman demê de amarên Yekîneya Rêveber ya Rêveberiya Kampên IDP an heta 28ê Îlonê nîşan didin ku nêzîkî 198 hezar kes koçber bûne, ku gelek ji wan neçar mane ku ji carekê zêdetir koçber bibin, ji bilî 3 hezar û 800 kesên ku reviyan welatê Cîbûtîyê.

PUKMEDIA