Îbûla gihîşt Kînyayê.. Yekemîn pêket û mirin bi vîrusê hat tomarkirin

PUKMEDIA

Îbûle

Desthilatdarên Kînayê ragihandin ku yekemîn pêket bi vîrusa Îbolayê ya piştrastkirî li welat hatiye tomarkirin, ev yek piştî mirina welatiyekî Kîna hat ku ji Kongoyê vegeriyabû Neyrubiyê, û vê yekê desthilatdar xist nava liv û tevgereke lezgîn ji bo şopandina kesên pê re ketine têkiliyê û kontrolkirina her belavbûneke vîrusê.

Wezîrê Tenduristiyê yê Kînyayê Aden Duale di konfêranseke rojnamevanî de got: Nexweş li ser geşteke asayî ya balafirê gihişt Neyrobiyê û li xalên çavdêriya tenduristiyê û buroyên koçberiyê yên li Balafirgeha Navneteweyî ya Jomo Kenyatta derbasî kontrolên rojane bû. diyar kir ku welatî rasterast ji balafirgehê bi rêya xizm û hevalekî xwe ve çû nexweşxaneyeke Neyrobiyê û li wir piştî derketina nîşaneyên wekî tayê, lerzê, êşa masûlkeyan, zehmetî û êşa di dema xwarinê de xistin nava kerentîna bijîşkî.

Wezîrê Kînyayê bang li xelkê welat kir ku nekevin nava tirsê û tekez kir ku pergalên ji bo kontrolkirina nexweşiyê hene. Wî got ku heta niha 28 kesên ku bi kesê mirî re ketine nava têkiliyan, di nav de endamên malbata wî û xebatkarên tenduristiyê, hatine tespîtkirin û rewşa wan tê şopandin.

PUKMEDIA