Serokkomar û serokwezîr li ser temamkirina kabîneyê û zehmetiyan gotûbêj kirin

Serokatiya Komarê

Serokkomarê Îraqê Nîzar Amêdî û Serokwezîr Elî Zeydî

Îro Çarşem rêkefta (07/10/2026).an, Serokkomarê Îraqê Nîzar Amêdî digel Serokwezîr Elî Zeydî civiya û wan li ser temamkirina kabîneyê gotûbêj kirin û her du aliyan tekezî li ser pêwîstiya çareseriyek mayînde ji bo pirsgirêkan kirin.

Li gorî daxuyaniya Nivîsingeha Ragihandina Serokkomariyê, di civînê de rewşa giştî ya welêt, temamkirina kabîneyê, rewşa aborî û pêşxistina sektorên cûda yên Îraqê hatine gotûbêj kirin.

Di daxuyaniyê de her wiha tekez li ser pêwîstiya berdewamiya pêkanîna bernameya xwe ya ku li ser bingeha çaksaziyên aborî û vekirina riyên hevkariyên berhemdar bi welatên dost re ye, hate kirin, bi awayekî ku bandorek erênî li ser aboriya Îraqê bike.

Do dawiyê de jî; Nivîsingeha Ragihandina serokkomariyê ragihand ku herdu aliyan tekez li ser girîngiya karê berdewam ji bo dîtina çareseriyan ji bo pirsgirêkên ku sektorên cûda pê re rû bi rû ne kirin.

PUKMEDIA