Îlham Ehmed: Naskirina mafê Kurd li Sûriyê destkeftiyek e

PUKMEDIA

Îlham Ehmed

Siyasetmedara Kurd Îlham Ehmed Naskirina mafên kurdan di destûra Sûriyê de destkeftek e, lê ne baş tê cîbicîkiri.
Îlham Ehmed siyasetmedara Kurd di Dîdara MERI ya 2026an a li Hewlêrê de ragihand: Naskirina mafên kurdan û xwendin û perwerdeya bi zimanê kurdî di destûra Sûriyê de destkeftek e, lê baş nayê cîbicîkirin.

Siyasetmedara kurd Îlham Ehmed da xuyakirin ku "pêvajoya entegresyonê gelekî alîkariya vekirina bajarên Sûriyê bi hev re û vekirina deriyên sînor kir, û got ku pêvajoya yekbûnê heta niha bi rêjeyeke baş pêk hatiye û ez dikarim bibêjim ku wê bibe sedema cûreyekî ji aramiyê.

Îlham Ehmed da xuyakirin ku ezmûna Rêveberiya Xweser hîn jî di hişê hemû Sûriyan de heye, û wê modeleke têkildarî beşdariya jinan di warên jiyana giştî de da û ezmûnek erênî û baş afirand. Tevî pêvajoya yekbûnê ya ku çêbû, paşveçûnek di rola jinan de heye, lewma em dikarin bibêjin ku pêvajoya yekbûnê ji aliyekî ve destkeftî bi dest xistine û ji aliyekî din ve hîn di qonaxa ceribandinê (ezmun)de ye.

Îlham Ehmed zêde kir ku "pêvajoya yekbûnê di çarçoveya derxistina fermanekî (mûrsûmekî) komariye de ku hebûna gelê Kurd li Sûriyê bi çand û zimanê xwe û wekî beşekî resen ê gelê Sûriyê nas dike, ji bo gelê Kurd pêk hat, û diyar kir ku "em fermana komarî di warê cîbicîkirinê de di warê mafê perwerdehiya bi zimanê kurdî de kêmasî dibînin, ev çarçoveyek kêmasî ye ji bo gelê Kurd, û mekanîzmaya cîbicîkirina vê fermanê di aliyê pratîkî de hîn jî pêdiviya xwe bi mekanîzmayan heye da ku bi pratîkî werin bicihanîn.


PUKMEDIA