Banka Navendî ya Îraqê dengoyekê red dike

Ragihanandina Bankê

Banka Navendî ya Îraqê

Banka Navendî ya Îraqê gotegotên (dengoyên) derbarê vegerandina 600 milyar dînarî ji ber cudahiya nirxê veguherîna red kir.

Îro Duşemê 12ê Cotmehê 2026an, Banka Navendî ya Îraqê di daxuyaniyekê de bersiva nûçeya hinek ji dezgehên ragihandinê da ku li ser zarê çavkaniyeke nenasiyar hatibû belavkirin û ragihand: Ew gotegotên ku dibêjin qaşo Banka Navendî 600 milyar dînar vegerandine ji ber ku nirxê berê 1320 dînarî bo her dolarekî girênedaye û daxwaza qerebokirinê bi nirxê niha yê 1520 dînarî kiriye, bi temamî ji rastiyê dûrin û ti bingeheke wan tune ye.

Amaje bi wê yekê jî kir ku, daxwazên hewaleya derve yên ku pêşkêşî bankan hatine kirin beriya dîroka 7ê Cotmehê 2026an, bi heman nirxê berê yê pevguhertinê û bê ti lêçûneke zêde hatine cîbicîkirin û dest bi wergirtin û cîbicîkirina wan daxwazan jî hatiye kirin.

Banka Navendî dibêje ku, hemû kartên elektronî li gorî nirxê fermî yê pejirandî kar dikin ji bo ku pêdiviyên welatiyan li derveyî welat dabîn bikin.

Hevdem bankê hişyarî da ku li gorî nivîsa Desteya Ragihandin û Têkiliyan, pêwîst e hûrgilî di hemû nûçe û babetên ku li ser nirxê pevguhertinê, bazar û mûçeyan têne belavkirin de bêne kirin û ji çavkaniyên wan piştrast bibin, berovajî wê rêkarên tund ên yasayî beramberî her aliyekî dê bêne girtin.

PUKMEDIA