Serokwezîrê Îraqê êrîşên li ser Siûdiyê şermezar dike

Nivîsgeha Ragihandinê Civîna Serokwezîrê Îraqê

Elî Zeydî û Cîgirê Şahê Siûdiyê Mihemed Bin Selman.

Serokwezîrê Îraqê Elî Zeydî, bi Cîgirê Şahê Siûdiyê Mihemed bin Selman re civiya û pêşketinên rewşa navçeyê gotûbêj kirin, û Zeydî êrîşa li ser Balafirxaneya Navneteweyî ya Melik Xalid li Riyadê şermezar kir û tekezî li ser redkirina armanckirina welatiyên sivîl û saziyên sivîl kir.

 Li gorî Nivîsgeha Ragihandinê ya Serokwezîrê Îraqê Elî Zeydî êrîşa li ser Balafirxaneya Navneteweyî ya Melik Xalid li Riyadê şermezar kir, û tekezî li ser redkirina armanckirina welatiyên sivîl û saziyên sivîl kir, bi wê yekê ku ew xeteriyek e li ser ewlehî û aramiya herêmî.

Serokwezîr helwêsta nayê guhertin ya Îraqê dubare kir ku rê li ber bikaranîna axa welatê wî wekî destpêkê ji bo her êrîşekê yan karekî ku zirarê bide ewlehiya Siûdiyê û welatên navçeyê were girtin.
 Di heman demê de pabendbûna xwe bi pêngavên rêzgirtina li serweriya Îraqê û welatên dost û bira dubare kir.

Di daxuyaniyê de hate diyarkirin ku di hevdîtinê de peywendiyên di navbera Îraqê û Siûdiyê de û riyên pêşvebirina wan di hemû waran de, bi taybetî hemahengiya ewlehiyê ji bo rûbirûbûna astengên navçeyî, hatine behskirin.

 Ji aliyê xwe ve, Cîgirê Şahê Siûdiyê piştgiriya welatê xwe ji bo hewlên hikûmeta Îraqê ku armanca wan xurtkirina diyalogê û bidestxistina aramiyê li navçeyê ye, dubare kir.

PUKMEDIA