Êrîşên li Tengava Hurmizê asta herî bilind tomarkirin ji destpêka şer ve

PUKMEDIA

Tebgava Hurmizê

Herî kêm 10 keştî ji roja Yekşemê ve li Tengava Hörmüzê an jî li nêzîkî wê rastî êrîşan hatin; ev jî li gorî daneyên ewlehî û deryayî ku ji aliyê ajansa AFP ve hatine ragihandin, di nava şer de hejmara herî bilind a rojane ye.

Daneyên kampaniya "Vanguard"ya Ewlekarî, Rêxistina Deryayî ya Navneteweyî û Daîreya Operasyonên Bazirganiya Deryayî ya Brîtanyayê nîşan dan ku roja Yekşemê 6 keştî – ku ev hejmara herî zêde ya rojane ye ji destpêka aloziyê ve û roja Sêşemê jî 4 keştî hatine armancgirtin.

Çavkaniyên deryayî ragihandin ku du deryavan winda ne, herwiha rapor behsa niqombûna keştiyeke barhilgiran dikin ku ji ber êrîşên dawî qewimiye.

Hejmara êrîşên ku ji destpêka meha Cotmehê ve hatine tomarkirin gihişte 23 êrîşan, ev hejmar nêzîkî du qatê navîniya mehane ya bûyeran e ku ji dema destpêkirina şer ve hebû. Ev yek jî di nav tevgerên deryayî yên li yek ji giringtirîn rêwiyên hinardekirina petrol û kelûpelan ji welatên Kendavê re, dibe sedema alozî û tevliheviyê.

Analîstê kampaniyê "Vanguard", Baron Gupta got ku tevgera deryayî ya li Hurmizê beriya geşedana dawî, karîbû nêzîkî 80 ji sedî ji asta xwe ya beriya şer bi dest bixe û herikîna petrolê jî dest bi başbûnê kiribû.

Îranê di meha Adarê de dest bi armancgirtina keştiyên bazirganî yên li tengavê kir, ev jî wekî bersiveke li dijî lêdanên Amerîka û Îsraîlê yên li ser xaka xwe, û dewam kir di êrîşên li ser keştiyên ku di wan rêyan re derbas dibin ku Îranê erê nekirine.

Li gorî Rêxistina Deryayî ya Navneteweyî, nêzîkî 24 deryavan di wan bûyerên ku ji destpêka aloziyê ve li herêma nêzî Tengava Hurmizê qewimîne de hatine kuştin.

PUKMEDIA