SOMO dest bi hevsengiya mafên darayî yên kampaniyên petrolê yên li Herêma Kurdistanê kir

Ajans

Kampaniya SOMO

Kampaniya Brîtanî ya "Gulf Keystone Petroleum" ku li Herêma Kurdistanê dixebite, îro Pêncşemê ragihand ku ew hatine agahdarkirin ku yekem şehna neftê ya ku kampaniya "SOMO" ji bo lihevhatin û hevsengkirina firotina hinardekirinê ya çaryeka çaremîn a sala 2025an li gorî bihayên cîhanî veqetandibû, hatiye barkirin.

Kmapaniyê di daxuyaniyekî de fermî de diyar kir ku ev pêngav wekî pêngaveke destpêkê ye ber bi dayîn û wergirtina maf û deynên darayî yên ku ji bo kampaniyê li hev hatine komkirin, ku ev yek herikîna dravî xurt dike, sermayeya xebatê baştir dike û aramiya çarçoveya darayî û peymanî misoger dike.

Di daxuyaniyê de hate tekezkirin ku ev yek di çarçoveya hewldanên berdewam ên kampaniyê de bi hevrêziya bi aliyên pêwendîdar ên federal û li Herêma Kurdistanê re tê ji bo rêkûpêkkirina mekanîzmaya hinardekirinê û pêkanîna gavên pêş de di planên pêşvebirina kargeha neftê ya Şêxan de.

Kampaniya Brîtanî ya "Gulf Keystone Petroleum" a ku zeviya neftê ya Şêxanê li Herêma Kurdistanê dixebitand, di dawiya meha Tebaxa borî de, raporên xwe yên darayî û xebatê yên nîvê yekem ê sala 2026an ragihandibû, û tekez kiribû ku piştî rawestandina demkî ya di meha Tîrmehê de, wan dest bi karên xwe yên nû kiriye û 10 milyon dolar qezenc li ser para pişkdarên xwe dabeş kirine.

PUKMEDIA