Deng ji bo cîgirên serokwezîr û wezaretên din ên kabîneya Zeydî hat dayîn

PUKMEDIA

Encûmena Nûneran

Encûmena Nûneran a Îraqê, di rûniştina xwe ya îro de deng da ew wezaretên ku di kabîneya Elî Zeydî de nehatibûn tijî kirin, di heman demê de sê wezaretên nû hatin zêdekirin û sê cîgir jî ji bo Serokê Encûmena Wezîrên Îraqê re bawerî pê hat dan, lê belê dayîna baweriyê bi Wezareta Koç û Koçberan re ji bo demeke din hat paşxistin.

Derbarê ew wezîrên ku di rûniştinê de bawerî pê hat dayîn, ev bûn: Bawerî hat dayîn bi Mihemed El-Deracî wekî Wezîrê Aboriya Dîjîtal, Elî Ebdulhadî wekî Wezîrê Geştûgûzarê ,Mihemed Seman wekî Wezîrê Dewletê, Yasîn El-Îsawî wekî Wezîrê Çandê, Quteybe Xazî wekî Wezîrê Plandanînê, Heyder Beha' wekî Wezîrê Xwendina Bilind, Rêbaz Mihemed wekî Wezîrê Avakirinê, Sefa Kenanî wekî Wezîrê Werzişê, Nayif El-Şemerî wekî Wezîrê Bergiriyê, Mihemed El-Mûsewî wekî Wezîrê Kar û Karûbarên Civakî, Yasir El-Sixêl wekî Wezîrê Navxwe.

Her di wê rûniştinê de, her yek ji Muhsin El-Mendelawî, Qeys El-Xezelî û Mihemed Temîm wekî cîgirên Serokê Encûmena Wezîran bawerî pê hat dan.

Di heman demê de, dengdana ji bo Wezareta Koç û Koçberan û Faris Brîfkanî ji bo cîgirtiya Serokwezîr hat paşxistin.


PUKMEDIA