Zelensky pesna serokên Ewropayê dide

Ajans

Lûtkeya Yekîtiya Ewropa

Di lûtkeya Yekîtiya Ewropayê de li Brukselê, Volodymyr Zelensky ji ber piştgiriya wan a bê navber pesna Serokên Ewropayê dide û wan bi serkirdeyên rasteqîn bi nav dike, ev yek jî wekî bersiveke nerasterast li hemberî Donald Trump bû ku fişareke mezin xistiye ser Ukraynayê ji bo rawestandina êrîşên li ser stasyonên petrolê yên Rûsyayê.

Trump di hevpeyvîneke de êrîşeke tund kir ser Zelensky û ragihand ku «danûstandina bi Zelensky re ji ya bi Pûtîn re aloztir û dijwartir e». Ev alozî piştî wê hatin ku Trump peymanek ji bo hawirdekirina dîzela Rûsî îmze kir bi armanca kêmkirina buhayê sotemeniyê beriya hilbijartinên nîvê xulê.

Di heman demê de Ukrayna rûbirûyê qeyraneke bûye piştî ku mûşekên sîstema berevaniya ezmanî (Patriot) qediyan, ji ber ku Washingtonê beşeke mezin a van mûşekan arasteyî Rojhilata Navîn kiriye, û ev yek jî binesaziya Ukraynayê li hember êrîşên balîstîk ên Rûsyayê qels kiriye.

Li hember helwesta Washingtonê, berpirsên Yekîtiya Ewropayê amadekariyan ji bo pakêta 22emîn a sizayan li dijî Moskowê dikin û tekez dikin ku ji ber pabendnebûna Rûsyayê bi agirbesta enerjiyê ve, ew ê zextên xwe yên aborî û leşkerî li ser Moskowê zêde bikin.

 PUKMEDIA