Serokomar: Pêwîste şiyanên hêzên navxwe werin bilind kirin

Ragihandina Serokomar

Serokomar û Wezîrê Navxwe

Serokomarê Îraqê,Nizar Amêdî, îro Înê 16/10/2026an, li Bexdadê pêşwaziya Wezîrê Navxwe birêz Yasir Malikî, kir.

Di destpêka hevdîtinê de, birêz Serokomar pîrozbahî li birêz Malikî kir bi boneya bidestxistina pêbaweriya endamên Encûmena Nûneran û girtina postê Wezîrê Navxwe, û tekez kir ku ev pêbawerî berpirsiyariyeke niştimanî ye ji bo bilindkirina asta xebata saziya ewlehiyê û xurtkirina şiyan û jêhatibûna wê.

Rêzdar Serokomar giringiya çespandina rêbaza sazûmanî di xebata wezaretê de diyar kir, û her wiha bilindkirina jêhatibûna pêkhateyên wê di cîbicîkirina qanûnê de û rûbirûbûna astengên ewlehiyê de, û tekez kir ku pêwîste hewldanên Wezareta Navxwe bi awayekî berçav di jiyana welatiyan de reng bide, jibo bersivdayîna pêdiviyên wan û parastina mafên wan, bi awayekî ku pêbaweriya wan a bi saziya ewlehiyê xurtir bike û rêzgirtina li qanûnê biçe serî.

Ji aliyê xwe ve, Wezîrê Navxwe spasî û pêzanîna xwe ji bo girîngidana birêz Serokomar anî ziman, û tekez kir ku wezaret rijde li ser pêşvebirina xebata sazûmanî, xurtkirina bandora rêkarên ewlehiyê, û berdewamkirina xebatê bi awayekî ku bersivdarê daxwazên welatiyan be û asta xizmetguzariyên pêşkêşkirî ji wan re bilindtir bike.

PUKMEDIA