Serokê Amerîka û sizayên darayî li ser Rûsya

Serokê Amerîka û sizayên li ser darayî li Rûsya

Serokê Amerîka û Serokê Rûsya

Serokê Amerîka Donald Trump çend roj beriya ku siza û bacên giran yên li dijî Rûsya li gorî yasaya ku wî meha borî îmze kiribû bikevin meriyetê, lêborîn jê re anî.

Di fermaneke rêveberiyê de ku roja Înê ji hêla Koşka Spî ve hat belavkirin, Trump got: Ev lêborîn di berjewendiya neteweyî ya Amerîka de ye.

Derbarê bacên li ser kelûpelên Rûsî û sizakirina welatên ku petrol û gaza Rûsî dikirin jî dihewandin.

Armanca yasayê ew bû ku fişara li ser Moskow ji ber dagirkirina wê ya Ûkrayna ku di sala 2022.an de dest pê kir, zêde bike,lê, Trump di van demên dawî de nêzîkatiyekî nermtir li hember Rûsya girtiye û di heman demê de bi eşkereyî rexne li Serokê Ûkrayna Volodymyr Zelenskyy girtiye, heta pêşniyar kiriye ku Kîev pêwîstiya wê bi serokekî nû heye.

Şirovekaran hişyarî dan ku cîbicîkirina van rêkaran dikare nirxê petrolê bilindtir bike, û fişarên darayî yên ku Amerîkî di bin de ne zêde bike, di demekê de ku lêçûnên bilind bi piranî têne vegerandin bo şerê Amerîka û Îsraîlê li dijî Îranê.

Li gorî yasayê, dê bacên heta 100% di nava 30 rojan de li ser kelûpelên ku ji pênc kiriyarên herî mezin yên petrola xav yan gaza Rûsî re tên hinardekirin bo Amerîka werin sepandin.

Rêkaran her wiha dê armanc bikirana ew welatên ku 30 roj piştî derketina yasayê bi zanebûn petrol yan gaza Rûsî kirîne, û her wiha ew welatên di nav wan pênc welatan de ne ku alîkariya herî zêde dikin da ku Rûsya ji sizayan bireve.

Di fermanê de hat gotin ku lêborîn dê bimîne heta ku Trump yan rayedarên wî yên bilind biryar bidin ku "pêngaveke din guncaw e.
Trump di fermanê de got:Min ji Kongreyê re belgeyek pêşkêş kir ku derxistina lêborîneke wisa di vê demê de di berjewendiya neteweyî ya Amerîka de ye.

Welatên wekî Çîn û Hindistanê, ku di nav kiriyarên herî mezin yên petrola Rûsî de ne, dilgiraniya xwe li ser Yasaya Sizayên Rûsya anîne ziman.

Pekînê got :Em bi berdewamî li dijî yasaya derveyî sînore ku bingeheke wê di zagona navneteweyî de tune ye", di dema ku Hindistanê hişyarî da Washingtonê ku bacên nû dikarin bandorê li ser peywendiyên du alî bikin.

Yasaya destûrê dide serok ku bi hêsanî sizayan rake bi agahdarkirina Kongreyê ku wî diyar kiriye ew ne di berjewendiya neteweyî de ne.

Nûnerê weberhênanê yê Pûtîn, Kirill Dmitriev, lêborîna Trump bi "pêngavek rastî dîrokî" nav kir, û li ser Xê nivîsand ku qanûn dikare bi bandor hemû hevkariya aborî ya di navbera Rûsya û Amerîkayê de bide rawestandin.

PUKMEDIA