Serokomar vexwendinek fermî ji Serokê Sûriyê bo serdana Şamê wergirt

Ragihandina Serokomar

Serokomar û Wezîrê Derve yê Sûriyê

Serokomarê Îraqê Nizar Amêdî, îro Şemiyê 17ê Cotmehê 2026an li Koşka Bexdadê, pêşwazî li Wezîrê Derve û Koçberan ê Komara Sûriyeyê Ese`d Şeybanî kir.

Di hevdîtinê de, peywendiyên Îraq û Sûriyeyê û rêyên pêşvebirina wan hatin gotûbêjkirin, her wiha li ser pêşhatên li ser asta erebî û herêmî yên niha jî nêrîn hatin guhertin, Serokomar tekezî li ser giringiya bilindkirina asta peywendiyên duqolî û pêşvebirina mekanîzmayên hevahengî û têkiliyê di navbera her du welatan de di warên ewlehî, aborî û hevkariya di kontrolkirina sînorên hevbeş de kir.

Serokomar amaje bi giringiya lidarxistina gera 52an a wezîrên derve yên welatên endamên Rêxistina Hevkariya Îslamî li Bexdadê kir, di bin siya wan astengiyên ku rûbirûyê herêmê dibin, û da xuyakirin ku pêwîst e ev civîn di gotûbêjkirina qeyranên mirovî û dosyayên ku jiyana gelên îslamî eleqedar dikin de were bikaranîn, û çareseriyên pratîkî ji wan re bên dîtin.

Her wiha Serokomar vexwendineke fermî ji Serokê Sûriyeyê Ehmed Şerih ji bo serdana Sûriyeyê wergirt, û spasiya xwe û pêzanîna xwe ji bo vê vexwendinê nîşan da.

Ji aliyê xwe ve, Wezîrê Derve yê Sûriyeyê pêzanîna xwe ji bo helwestên Îraqê yên ku piştgiriya pirsên erebî dikin anî ziman, û tekezî li ser kelecana welatê xwe kir ji bo pêşvebirina peywendiyên duqolî û berfirehkirina asoyên hevkariyê bi Îraqê re da, ku gelek waran bigire nav xwe, bi awayekî ku xizmeta berjewendiyên her du gelên bira bike.

PUKMEDIA