Macron tundrewên xwepêşandêr şermezar dike

Ajans

Xwepêşandanên Firansayê

Di encama xwenîşandanên berfireh ên li dijî siyasetên hikûmetê yên li Fransayê de, bi sed hezar kesî li bajarên cuda herikîn kolanan.

Li gorî amarên Wezareta Navxwe, tenê di roja şemiyê de nêzîkî 550 hezar kesî li seranserê welat beşdar bûn, ku 110 hezar kes ji wan li paytextê Parîsê bûn.

Xwenîşander ji ber bilindbûna lêçûn û xerciyên jiyanê, têkçûna rewşa dibistanan, kombûna serwet û desthilatê di destê kesên diyar de û ji ber wê yekê ku wekî "paşveçûna demokratiyê" di serdema serokatiya Emmanuel Macron de bi nav dikin, ne razî ne.

Xwenîşandan li hinek cihan û bi tarîbûna şevê re bûn mijara tundiyê, di nav de şewitandina avahî û kûşkên hikûmî, talankirin û bikaranîna gaza firmêskan û hêzê ji aliyê polêsan ve.

Serokê Fransayê Emmanuel Macron bi tundî ew kes şermezar kirin ên ku navê "bangeşeyên aloziyê" li wan kir, û tekez kir ku her kesê tundî pêk anîbe an jî êrîşî polês û milkê giştî kiribe, dê rûbirûyê qanûnê bibe û cezakirina xwe werbigire.

PUKMEDIA