Xwenîşandanên Ewropa welatê Îtalya jî vegirt

Ajans

Xwepêşandan

Xwepêşandan li çend welatên Ewropayê belav bûne, xwepêşandêr daxwaz dikin ku jiyan normal bibe, bijêwiya wan were başkirin û di sektorên perwerde, tenduristî û enerjiyê de çaksazî bên kirin, di vê çarçoveyê de jî, di van du rojên borî de li Fransa û Îtalyayê xwepêşandanên berfireh dest pê kirine.

Piştî Fransayê, sibêya îro 18-10-2026ê, hejmarek xwendekar, ciwan û welatî li Îtalyayê ji bo daxwazkirina mafên xwe û başkirina jiyana rojane ya kesan li wî welatî xwepêşandan pêk anîn û di navbera xwepêşandêr û hêzên ewlehiyê de alozî derket, ev yek jî di demekê de ye ku di van du rojên borî de li Fransayê xwepêşandanên berfireh hatin kirin û di vî warî de serokê Fransayê Emmanuel Macron ragihand: Her kesek mafê wî heye ku bi awayekî şaristanî daxwaza mafê xwe bike, lê derketina alozî û tevlîheviyan û têkbirina rewşê ji tu kesî nayê qebûlkirin.

Şerê di navbera Amerîka û Îranê de û rawestandina hinardekirina nefta Rojhilata Navîn ji bo Ewrupayê bi rêya Tengava Hurmizê, bandoreke neyênî li ser sektora enerjiyê li giştî Ewropayê kiriye û ajokar gelek saetan li stasyonên sotemeniyê disekinin da ku benzînê werbigirin, ev jî ji bilî wê yekê ye ku xwendekarên li Fransa û Îtalyayê ji sektora perwerdeyê ya welatên xwe nerazî ne û daxwaziya çaksaziyeke giştî di wê sektorê de dikin.

Têkeli xwendekaran, beşek ji welatiyan jî derketine qadan û daxwaza baştirkirina sektora tenduristiyê û bilindkirina asta jiyana xwe dikin.

Xwepêşandanên Fransa û Îtalyayê destpêkeke nû ne ji bo Ewropayê û tê çaverêkirin ku hîn bêhtir berfireh bibin, ji ber ku şerê Îran û Amerîkayê bi giştî bandor li ser rewşa aborî ya Ewropayê kiriye, ku çavdêrên siyasî bi rengekî serhildaneke girseyî ya nû lê dinêrin.

PUKMEDIA