Amerîka sînordarî li ser çend kompaniyên Îraqî rakir

Wah

Banka Navendî ya Îraqê

Wezareta Gencîneyê ya Amerîka, sînordarî li ser hejmarek kompaniyên guhertina dirav yên Îraqê rakir û Banka Navendî jî radigihîne ku biryar derfetê dide wan kompaniyan ku vegerin nava proseya firotina Dolar ji geştiyaran re.

Li gorî daxuyaniyeke Banka Navendî ya Îraqê, Wezareta Gencîneyê ya Amerîka, piştî lêkolîna li ser pabendbûna wan kompaniyan bi pîvanên Banka Navendî ya Îraqê re, ev biryar derxistiye.

Her wiha dibêje:Biryara Wezareta Gencîneyê ya Amerîka derfetê dide vegera wan kompaniyan ji bo nava proseya firotina Dolar ji geştiyaran re.

Di dawiyê de jî, Banka Navendî dupat kiriye ku ev pêngav di çarçoveya xurtkirina pabendbûna bi bingehên çavdêrî û rêkxistina proseya firotina diravê biyani de ye, li gorî çarçoveya ku tê meşandin.

PUKMEDIA