Amara herî nû ya xwepêşandanên Fransayê

PUKMEDIA

Xwepêşandanên Birîtaniya

Xwepêşandanên Fransayê derbasî rojeke nû bûne û berdewam in, ku li gorî amarên dawî ji ber aloziyan heta niha kesekî jiyana xwe ji dest daye, 2 hezar û 400 kes hatine girtin û hezar polîs jî birîndar bûne.

Derbarê wan bûyerên ku li Fransayê diqewimin de, Dr. Luey Caf mamosteyê zanîngehê û endamê berê yê şaredariya rojavayê Parîsê, bi taybetî ji PUKMEDIAyê re ragihand: "Xwepêşandanên xwendekaran li Fransayê ne tenê xwepêşandaneke asayî ne, belkî daxwazek e ji bo çêkirina kerta perwerdeyê, nerazîbûnên civakî û tundûtûjiyên komên 'Black Blocs', herwiha kombûna nerazîbûnên 10 salên borî ne.

Wî da xuyakirin ku xwepêşandanan dibistan derbas kirine û li ser kolanan in ku li gorî amarên nû heta niha kesekî jiyana xwe ji dest daye, 2 hezar û 400 kes hatine girtin û hezar polîs jî birîndar in, ev yek nîşan dide ku xwepêşandan derbasî qonaxeke nû bûne.

Hêjayî gotinê ye ku xwepêşandanên xwendekarên amadehiyê li Fransayê xwedî dîrokeke dirêj in, ji salên 1980 û 1990î ve xwendekar li dijî kêmbûna îmkanan, xirabiya rewşa xwendigehan û li dijî qanûn û rêzikan di nava nerazîbûnê de bûn.

Di sala 2005an de jî, nerazîbûna li dijî projeya girêbisteya kar a ciwanan (CPE) ciwan û xwendekarên zanîngehan lihev kom kirin. Di sala 2018an de, xwepêşandanên li dijî guhertinên azmûna bakaloryayê (azmûnên dawiya qonaxa amadehiyê BAC) û sîstema wergirtinê li zanîngehan hatin lidarxistin. Herwiha di sala 2023an de, beşek ji xwendekaran beşdarî nerazîbûnên li dijî guhertina sîstema xanenîşê bûn.

Ev dîrok nîşan dide ku nerazîbûna xwendekaran gelek caran ji çarçoveya dibistanan derbas dibe û dibe derbirîna ngeraniyek giştî li ser pêşeroja civak û saziyan.


PUKMEDIA