Komîteyek ji bo metirsiyên ewlehiyê li Serêkaniyê tê avakirin

ANHA

Alîkarê Fermandarê Ewlehiya Navxweyî û Nûnerên Serêkaniyê

Alîkarê Fermandarê Ewlehiya Navxweyî yê karûbarê ewlekariyê li parêzgeha Hesekê, Mehmûd Xelîl, bi nûnerên niştecihên 11 gundên girêdayî Serêkaniyê re civiya.

Hat diyar kirin ku ew 11 gund di bin siya hebûna bingehên leşkerî li herêmê de rastî fikarên ewlehiyê tên, û armanca civînê ew bû ku rewşa ewlehiyê ya gundên wan û rêyên mimkun ji bo çareserkirina van fikaran werin gotûbêj kirin.

Di civînê de, mekanîzmayên gihîştina bi çareseriyên guncaw hatin gotûbêj kirin, di wî warî de, hate pêşniyarkirin ku komîteyek ji xelkê wan gundan bê avakirin ku biçe bajarê Serêkaniyê, bi armanca gotûbêjkirina rewşa gundên xwe û çareserkirina fikarên ku hene.

Ev civîn di çarçoveya lêgerîna li rêyên çareserkirina pirsgirêkên ewlehiyê yên ku rûbirûyê niştecihên wan 11 gundan dibin de tê, her wiha ji bo xebatên dîtina çareseriyan bi hevrêziya bi aliyên pêwendîdar û nûnerên xelkê re.

PUKMEDIA