Antonio Guterres:Derbazkirina sînorê 1.5 pileya germayê êdî neçarî ye

Ajans

Antonio Guterres Sekreterê Giştî yê Neteweyên Yekbûyî (NY)

Antonio Guterres Sekreterê Giştî yê Neteweyên Yekbûyî (NY) ragihand ku êdî ne gengaze ku mirov ji derbazkirina sînorê 1.5 pile di krîza avhewayê de bireve, û banga lezkirina kêmkirina belavbûna li welatan kir da ku bilindbûna germahiyê careke din daxin binê sînor.

Antonio Guterres, beriya Konferansa Guherîna Avhewayê ya Neteweyên Yekbûyî (COP31) ku di meha Mijdarê de ku li Antalya dê were lidarxistin, peyamek vîdyoyî derbarê Raporta Valahiya belavbûna Gazan (EGR) ya salane de ku ji aliyê Bernameya Jîngehê ya Neteweyên Yekbûyî (UNEP) ve hatiye weşandin, belav kir.

Guterres hişyariyek da û got: Cîhan êdî nikare ji derbazkirina sînorê 1.5 pile bireve û encamên wê ji niha ve wêrançêkerin û bal kişand ser lehiyên kujer, pêlên germahiya zêde û şewatên daristanan yên tund li cîhanê.

Guterres dazanîn ku krîza avhewayê aboriyan felç dike û newekheviyê kûr dike, û destnîşan kir ku kesên herî kêm berpirsiyarê vê krîzê ne,bandorên wê yekem û bi awayê herî giran dikişînin.

Ji aliyê din ve,Guterres diyar kir ku beriya dawiya sedsalê bilindbûna germahiya gerdûnî dikare careke din daxwe binê sînorê 1.5 pile, û got: Ji bo vê yekê heya sala 2030.an divê belavbûna gazên gerdûnî ji sedî 18 û heya sala 2035.an jî ji sedî 45 bên kêmkirin.

Guterres got: Belavbûna li astên rekor dimînin,pilanên avhewayê yên neteweyî û siyasetên heyî bi awayekî metirsîdar têr nakin û nîşan dide ku pileya germahiyê dê bi 2.6 heta 2.8 pileyan bilind bibe.

Guterres da zanîn ku welatên mîna welatên G20ê yên ku dibin sedema belavbûna mezin divê zêdetir tiştan bikin û destnîşan kir ku divê ji bo welatên pêşveçûyî fînansmaneke bi bihayê guncaw bê peydakirin daku li dijî krîza avhewayê têkoşînê bikin û barê deynên wan jî sivik bibe.

Guterres got: Dadperweriya avhewayê kêmtirî vê yekê pesend nake,her perçeyeke biçûk ya pileyan girînge, her sala derengmayînê riya vegerê dijwartir dike,werin em ji niha ve vê valahiyê bigirin.

PUKMEDIA