Êrîşeke terorîstî li Urdunê bû sedema çend qurbaniyan

Ajans

Ala Urdinê

Ji ber êrîşeke çekdarî ya li nav dêreke parêzgeha Kerk a li Urdunê, hejmarek kes hatin kuştin û birîndar bûn.

Televîzyona fermî ya Urdunê eşkere kir: Êrîş ji aliyê çekdarên nenas ve hatiye encamdan û hejmarek kes hatine kuştin û birîndar bûn, hêzên ewlehiyê jî rûbirûyî çekdaran bûne û li pey wan digerin û ji ber êrîşê 7 kes hatine kuştin û 34 kesên din jî birîndar bûn, êrîş jî di dema merasîma oxirkirinê de ji cenazeyekî re li dêrê bûye.

Wekî ku di dîmenên vîdyoyî de diyar dibe, sê çekdar li nav dêrê fişek reşandin û piştre diçin hundir û piştî gulebarankirineke zêde bi otomobîla xwe direvin, li gorî hinek çavkaniyan jî hejmara çekdaran çar kes bûn.

Mihemed El-Mûminî Berdevkê Hikûmeta Urdunê ragihand: Saziyên ewlehiyê li pey çekdaran digerin û piştre daxuyaniyê li ser bûyerê belav dikin.

Dêrê Hemûd dikeve gundê Hemûd ê parêzgeha Kerk a li başûrê Urdunê, dêrê taybet bi Ersedoks e û xiristiyan li Urdunê kêmîneyeke olî ne, li gorî amarên wî welatî hejmara wan dibe ji sedî 2 heta ji sedî 3 ê niştecihên Urdunê. Xiristiyanên Urdunê li ser çend mezhebên olê dabeş bûne, di nav de Romên Ersedoks, Kesolîk, Ermenên Orsedoksan û Protestan.

PUKMEDIA