Piştî êrîşa Kerk.. Balyozxaneya Amerîka li Urdunê hişyariyeke ewlehiyê da

AP

Şahê Urdunê Şah Ebdullah yê Duyem

Balyozxaneya Amerîka ya li Urdunê "hişyariyeke ewlehiyê" da û daxwaz ji welatiyên xwe kir ku "baldar bin", ev yek piştî "êrîşa terorîstî ya ku dêreke Romên Ortodoks li gundê Hemûd ê parêzgeha Kerkê kir armanc" a ku duh roja Înê pêk hat, hat kirin.

Balyozxaneya Amerîkayê li Urdunê da xuyakirin ku li navendên kirînê, balyozxaneyên biyanî li Ammana paytext û cihên din tedbîrên ewlehiyê hatine xurtkirin.

Balyozxaneya Amerîkayê li Ammanê di hişyariya ewlehiyê de got: Navendên bazirganî û cihên din, di nav de balyozxaneyên biyanî yên li Ammanê jî hene, bi tundî tên parastin. Divê welatiyên Amerîkî li gelek herêmên Urdunê li bendê bin ku polîs zêdetir belav bibin.

Wê her wiha got: Em ji welatiyên Amerîkî re tînin bîra xwe ku divê baldar bin, û em wan han didin ku şopandina pêşketinên lezgîn ên ku ji aliyê desthilatdarên Urdunê ve têne belavkirin, di nav de Rêveberiya Ewlehiya Giştî ya Urdunê bi riya hesabê xwe yê li ser platforma X, bikin.

Ji aliyê xwe ve medyayên Urdunê îro roja Şemiyê ragihandin ku hejmara kuştiyên êrîşa dêra Kerkê li Urdunê derketiye 8 kesan, di heman demê de Wezîrê Tenduristiyê yê Urdunê eşkere kir ku di nava birîndarên êrîşa dêrê de du rewşên giran hene.

Wezîrê Tenduristiyê yê Urdunê Îbrahîm El-Bedûr jî, îro roja Şemiyê ragihand ku 27 birîndarên bûyera teqandina çekan li parêzgeha Kerkê li çend nexweşxaneyan derman dibin.

PUKMEDIA