Keça kurd di Maratona Şamê de pileya yekem bi dest xist

ANHA

Rûlyan Heyder

Werzişvana Kurd ya xelkê herêma Efrînê (Rûlyan Heyder) di Maratona Şamê ya 2026an de, di pêşbirka 5 kîlometreyî de pileya yekem bi dest xist; ev maraton bi beşdariya bezokên ji 36 neteweyan pêk hat.

Werzişvan Rûlyan Heyder, di pêşbirka 5 kîlometreyî ya Maratona Şamê de ku duh roja Înê li paytexta Sûriyê dest pê kir, bi beşdariyeke berfireh a pêşbirkvanên xwecihî, ereb û biyanîserkeftin bidest xist.

Wezareta Werzişê ev maraton bi hevkariya parêzgeha Şamê ji bo sala duyem a li pey hev li dar xist. Maraton çar rêgeh ji bo mesafeyên 5-10-21-42 kîlometreyî di nava xwe de dihewand.

Her wiha keça kurd Rûlyan û tevî xwîşka xwe bi navêRoksana beşdarî pêşbirka 10 kîlometreyî bûn û birayê wan Cîwan Heyder yê 16 salî jî beşdarî pêşbirka 42 kîlometreyî bû.

Ev hersê xwişk û bira ji gundê "Hecîka" ya girêdayî bajaroka Raco ya li gundewarê Efrînê ne, ew werzişa triatlonê dikin û beriya niha jî di gelek pêşbirkên werzişî de pileyên bilind bi dest xistibûn.

Hêjayî gotinê ye ku Şamê di îlona 2025an de yekem çapa vê maratonê li dar xistibû ku li gorî daxuyaniya Wezareta Werzişê، di wê demê de nêzî 2500 kesî di navbera bezok û hezkiriyan de beşdarî kiribûn.

PUKMEDIA