Wezîrê Dadê yê Federal tekezî li ser vegerandina mafên Feyliyan dike

PUKMEDIA

Wezîrê Dadê

Wezîrê Dadê yê Federal helwesta hikûmetê ya neguhêr tekez dike ji bo jêbirina hemû ew şopên xirab ên ku ji ber siyasetên tawankar ên rêjîma berê hatine serê Kurdên Feylî.

Li gorî daxuyaniyekê ya Wezareta Dadê, îro 25/10/2026an, Dr. Xalid Şiwanî Wezîrê Dadê û Serokê Lijneya Fermana Dîwanî ya hejmara (80) ya sala 2026an, pêşwazî li şandeyeke Kurdên Feylî kir ku bi serokatiya Mahîr Reşîd Emîndarê Giştî yê Bereya Feylî bû.

Li gorî daxuyaniya Wezareta Dadê, di dema hevdîtinê de gotûbêj li ser wan dosyayên ku bi dadweriyê ve girêdayî ne ji bo zarokên vê tiwêjê û çareserkirina ew şopên ku ji ber siyasetên tawankar ên rêjîma berê li dijî wan derketine holê, hat kirin.

Her di hevdîtinê de gotûbêj li ser çend pirs û pêşniyaran hat kirin, ku bi rêya wan dadwerî ji bo Kurdên Feylî tê dabînkirin.

Di dawiyê de, Dr. Xalid Şiwanî tekez kir li ser helwesta hikûmetê ya neguhêr li hember jêbirina hemû ew şopên xirab ên ku ji ber siyasetên tawankar ên rejîma berê hatine serê endamên vê tebeqeyê. Herwiha tekez kir li ser giringiya berdewamkariya hewldanan ji bo çareserkirina dosyayên hilawîstî û xebatên li ser qerebûkirin û dadweriyê ji bo ziyanbîniyan, bi awayekî ku vegerandina mafên wan û çespandina bingehên dadwerî û wekheviyê mîsoger bike.


PUKMEDIA