_1.png)
مەكتەبی سیاسی: مانگرتنی مامۆستایان و فەرمانبەران ویستێكی مەدەنی دادپەروەرانەیە
ی ن ک 07:21 PM - 2025-02-03
PUKMEDIA
لۆگۆی مەكتەبی سیاسیی یەكێتیی نیشتمانیی كوردستان
مەكتەبی سیاسی یەكێتی راگەیەندراوێكی بڵاوكردەوەو رایگەیاند:"یەكێتی نیشتمانیی كوردستان پێی وایە مانگرتن و چالاكی جۆراوجۆری مەدەنی مامۆستایان و فەرمانبەران لەسلێمانی، لە پێناو مووچە و قووتی منداڵەكانیان و دڵنیایی وەرگرتن لەو بارەیەوە ویستێكی مەدەنی دادپەروەرانەیە، چونكە دیاردەی دواكەوتن و دواخستنی مووچە هیچ بیانوویەك هەڵناگرێت".
راشیدەگەیەنێت: "یەكێتی شانازیی بەم فەزا ئازادییە شایانەی لە دەڤەرەكە هەیە دەكات و تەئكید لەخەباتی مەدەنی و داخوازی مامۆستایان دەكاتەوە".
دەقی پەیامەكە:
راگەیەندراوێك لە مەكتەبی سیاسیی یەكێتیی نیشتمانیی كوردستانەوە
یەكێتیی نیشتمانیی كوردستان پشتیوانێكی ڕاستوڕەوانی هەموو داخوازییەكی رەوای مامۆستایان و هەموو چین و توێژێكی كوردستانە كە داكۆكی لە مووچە و گوزەرانی شەرافەتمەندانە و سەربەرزانەی خۆیان دەكەن. هەر لەم چوارچێوەیەشدا سەرۆك بافل جەلال تاڵەبانی كۆتایی بە سەفەرەكەی لە ئەمەریكا هێنا بۆ ئەوەی لە نزیكەوە گوشار بخاتە سەر حكومەتی هەرێم و بەغدا بۆ چارەسەری یەكجارەكی ئەم ئیستحقاقەی هاوڵاتیان بكات .
وەك یەكێتی نیشتمانیی كوردستان پێمان وایە مانگرتن و چالاكی جۆراوجۆری مەدەنی مامۆستایان و فەرمانبەران لە پارێزگای سلێمانیی ، لە پێناو مووچە و قووتی منداڵەكانیان و دڵنیایی وەرگرتن لەو بارەیەوە ویستێكی مەدەنی دادپەروەرانەیە ، چونكە دیاردەی دواكەوتن و دواخستنی مووچە هیچ بیانوویەك هەڵناگرێت. بەتایبەتی كە بڕیارەكانی دادگای ئیتحادی لە سەر ئیستحقاقی مووچە روون و ئاشكران و پێویستە ئەم ئیلتیزامە هاوبەشەی حكومەتی هەرێم و حكومەتی فیدڕالی دوور لە دەست شكاندنەوەی سیاسیی جێبەجێبكرێت.
یەكێتیی وێرای داكۆكی لەم داخوازییە مەدەنیانە و پشتیوانی و شانازیی بەم فەزا ئازادییە شایانەی لە دەڤەرەكە هەیە تەئكید دەكاتەوە خەباتی مەدەنی و داخوازی مامۆستایان داخوازییەكی سەرتاسەری كوردستانی و عێراقییە و پێویستە چارەسەرییەكەشی سەرتاسەری بێت و دەربەستییەكی هاوبەشی حكومەتی هەرێم و حكومەتی عیراقی بە دواوە بێت . هەرگیز رەوا نییە كۆمەڵانی خەڵك لە دڵەڕاوكێی هاتن و نەهاتنی ئیستحقاقێكی هاوڵاتێتی ئاساییەدا بە بارمتە وەربگیرێن.
پێویستە ئەم كێشە لە خوتوخۆڕایی درێژبۆوە بە یەكجاری و لە ڕیشەوە چارەسەر بكرێت.
مەكتەبی سیاسیی
یەكێتیی نیشتمانیی كوردستان
٣-٢-٢٠٢٥
PUKMEDIA
هەواڵی زیاتر
-
سەرۆككۆمار: رێگە نادەین عیراق ببێتە پێگە بۆ دەستدرێژیكردنە سەر وڵاتانی دراوسێ
04:08 PM - 2026-09-12 -
سەعدی پیرە: ئەڵمانیا هەمیشە پاڵپشتی گەلی كوردە
03:49 PM - 2026-09-12 -
دوای تێپەڕبوونى حەوت ساڵ سەرۆکى چین سەردانى هندستان دەکات
01:53 PM - 2026-09-12 -
ئەمڕۆ و سبەینێ ئاسمان هەور دەبێت
10:35 AM - 2026-09-12
ئەمانەش ببینە
دەم پارتی داوای لێکۆڵینەوە لە ئاڵۆزییەکانی رۆژئاڤا دەکات
03:39 PM - 2026-09-12
.png)
مەزڵوم عەبدی کار بۆ ئاساییکردنەوەی رەوشی کۆبانێ دەکات
02:47 PM - 2026-09-12
لەم هەفتەیەدا مووچەی فەرمانبەرانی هەرێم خەرجدەکرێت
11:35 AM - 2026-09-12
.png)
سبەینێ سەرۆکوەزیرانی عیراق سەردانی فەرەنسا دەکات
10:55 AM - 2026-09-12
زۆرترین خوێنراو
-
دوای تێپەڕبوونى حەوت ساڵ سەرۆکى چین سەردانى هندستان دەکات
جیهان 01:53 PM - 2026-09-12 -
مەکتەبی سیاسی پرسەنامەیەک ئاڕاستەی هەڤاڵ رزگار حاجی حەمە دەکات
پرسەنامە 01:14 PM - 2026-09-12 -
لەم هەفتەیەدا مووچەی فەرمانبەرانی هەرێم خەرجدەکرێت
کوردستان 11:35 AM - 2026-09-12 -
سبەینێ سەرۆکوەزیرانی عیراق سەردانی فەرەنسا دەکات
عیراق 10:55 AM - 2026-09-12 -
ئەمڕۆ و سبەینێ ئاسمان هەور دەبێت
کوردستان 10:35 AM - 2026-09-12 -
"تەرزەی ناوچەکە" تارمایی دوای ئەمریکا
بیروڕا 10:06 AM - 2026-09-12 -
گرژی و ئاڵۆزییەکانى کۆبانێ 26 قوربانى لێکەوتەوە
کوردستان 09:24 AM - 2026-09-12 -
سەرۆک بافڵ: 11ی سێپتەمبەر وەبیرهێنەرەوەی دەرئەنجامە وێرانکەرانەکەی تیرۆرە
کوردستان 07:21 PM - 2026-09-11
هەواڵەکان دەنێرین بۆ مۆبایلەکانتان
ئەپڵیکەیشنی
دابەزێنە
