مەزڵوم عەبدی کار بۆ ئاساییکردنەوەی رەوشی کۆبانێ دەکات

سانا

مەزڵوم عەبدی راوێژكاری سەرۆكایەتی كۆماری سوریا

مەزڵوم عەبدی راوێژكاری سەرۆكایەتی كۆماری سوریا بە مەبەستی لە نزیكەوە ئاگاداربوون لە رەوشی شارەکە و ئاسایکردنەوەی دۆخی شارەکە گەیشتە كۆبانێ‌ و هێزەکانی ئاسایشی سەر بە حکومەتی سوریا کشانەوە و دەنگۆی قەدەغەی هاتووچۆش رەتدەکرێتەوە.

مەزڵوم عەبدی بە گەیشتنی بە کۆبانێ، لەگەڵ چیا کۆبانێ جێگری فەرماندەی فیرقەی 60 لە سوپای سوریا کۆبووەوە و باسیان لە رەوشی شارەکە و هێورکردنەوەی ئاڵۆزییەکان کرد.
لەلایەکی دیکەوە ئاسایشی گشتیی سەر بە حکومەتی سوریا لە کۆبانێ کشایەوە و لە ئێستادا کاردەکرێت بۆ ئاسایکردنەوەی رەوشی شارەکە.


هەر پەیوەست بە دۆخی کۆبانێ و ئاڵۆزییەکان، دامەزراوەی کەسوکاری شەهیدان لە کۆبانێ لەبارەی روداوەکەی شەوی رابردوو راگەیەنراوێکی بڵاوکردەوە و داوا دەکات لێکۆڵینەوەیەکی سەربەخۆ و شەفاف ئەنجامبدرێت بۆ ئەو کەسانەی بەرپرسیارن لەو روداوە، هەروەها دوو رۆژ ماتەمینی گشتی لە شارەکە راگەیاند.

لە بارەی قەدەغەی هاتووچۆشەوە،ئەوە سەرجەم ئەو دەنگۆیانەی لەبارەی سەپاندنی قەدەغەی هاتووچۆ لە شاری کۆبانێ بڵاوکراونەتەوە ناڕاستن، لە ئێستادا جووڵەی هاوڵاتییان لە شەقامەکان بەردەوامە و هیچ بڕیارێکی ئەمنی بۆ ڕاگرتنی هاتووچۆ نەدراوە.

PUKMEDIA