دەم پارتی داوای لێکۆڵینەوە لە ئاڵۆزییەکانی رۆژئاڤا دەکات

PUKMEDIA

لۆگۆی دەم پارتی

پارتی یەکسانی و دیموکراسیی گەلان (دەم پارتی)، کوشتنی سیپان هیزنی و ئاڵۆزکردنی دۆخی کۆبانێ ئیدانە دەکات و داوای لێکۆڵینەوەیەکی ورد لە رووداوەکان دەکات.

دەم پارتی لە راگەیەندراوەکەیدا، سەرەخۆشی لە بنەماڵەی قوربانییان و خەڵکی رۆژئاڤا کرد و هیوای چاکبوونەوە بۆ بریندارەکان خواست.

جەختی لەوشكردەوە، کە کوشتنی سیپان هیزنی لە لیوای حەسەکە لەم قۆناغە هەستیارەی پڕۆسەی یەکگرتن لە سوریا، لەگەڵ شێوازی دەستێوەردان لە زیندانی کۆبانێ، هەنگاوێکی ئاشکرایە بۆ تێکدانی دۆخەکە.

هەر لە راگەیەندراوەکەدا، دەم پارتی داوای کردووە لێکۆڵینەوەیەکی ورد لە هەردوو رووداوەکە بکرێت، هۆکارەکان بە ڕوونی ئاشکرا بکرێن و بەرپرسان بەبێ رەچاوکردنی پلە و پۆست سزای خۆیان وەربگرن.

لە کۆتایيشدا، دەم پارتی دووپاتی کردووەتەوە، کە لەم کاتەدا هەر روداوێکی خراپ کاریگەریی خۆی بەجێدەهێڵێت و رەوشەکە تێکدەدات، ئەرکی هەموولایەکە بەرپرسیارانە مامەڵە بکەن.

PUKMEDIA