بەفر و باران بەردەوام دەبێت و پلەکانی گەرما نزمتر دەبنەوە

Science News Explores

بەفر و باران

کەشناسی، کەشى پێشبینیکراوى 48 سەعاتی داهاتووی راگەیاند، بەپێی پێشبینییەکە ئەمڕۆ و سبەینێ کاریگەری شەپۆلی بەفر و باران بەردەوام دەبێت و پلەکانی گەرما روو لە نزمبوونەوەی زیاتر دەکەن.

لەڕاگەیەنراوێکدا، بەڕێوەبەرایەتی کەشناسی و بوومەلەرزەزانی هەرێم رایگەیاند: ئەمڕۆ یەکشەممە 28ی12ی2025، شەپۆلی باران بارین و بەفر بارین لەسەر ناوچەکەمان بەردەوامە تا کاتەکانی ئێوارەی ئەمڕۆ یەک شەممە .سەبارەت بە بەفر بارین لە ئێستادا لە زۆربەی چیا بەرزەکان و ناوچە سنوورییەکان بەفر بارین بەردەوامە ناوچە جیاجیاکانی تر ( سەنتەری پارێزگاکان و قەزاو ناحیە و ئیدارە سەربەخۆکان ) بەهۆی بەهێزی کاریگەری شەپۆڵەکە سەرجەمی ناوچەکەمان لە ژێر کاریگەری باران بارین و بەفر بارینە , ئەمڕۆ تا کاتەکانی ئێوارە باران بارین بە شێوەی لێزمە بارانی کورت خایەن و نمە بارانی پچڕ پچڕ بەردەوامی دەبێت , لە ئێوارەدا کاریگەری شەپۆڵی باران وەک قۆناغی یەکەم کۆتای دێت و لەسەر ناوچەکەمان کەمێک لاواز دەبێت بەڵام پلەکانی گەرما روو لە نزم بوونەوەی زیاتر دەکات خێرای با لەگەڵ باران بارین بە چالاک دەمێنێتەوە .

خێراى با / مامناوەند- چاڵاک ( 15– 30) کم/ک
ئاراستەی با / باکوورى ڕۆژهەڵات
پلەکانی گەرما / نزم دەبێتەوە بە (4-6) پلەی سیلیزی
مەوداى بینین / 4 – 6 کم دەبێت

هاوکات، سبەینێ دووشەممە ‌ 29ی12ی2025، کاریگەری شەپۆڵی باران بارین بەفر بارین کەمێک لاواز دەبێت لە کاتەکانی بەرەبەیانی ڕۆژی دووشەممە تا کاتەکانی نیوەڕۆ ئاسمان تەم و بەفر بارینێکی کەم لەسەر ناچە شاخە بەرزەکان بەردەوامی دەبێت .پاشان کاریگەری بارستە هەوایەکی ساردی جەمسەری لەگەڵ کەشی ناوچەکەمان تێکەڵ دەبێت و پلەکانی گەرما زیاتر نزم دەبێتەوە دووبارە باران بارین و بەفر بارین لەسەرجەمی ناوچەکەمان دەست پێدەکاتەوە باران بە شێوەی نمە باران و بارانی مامناوەند دەبێت , لە سەنتەری پارێزگای سلێمانی و دهۆک و هەڵەبجە ئەگەری بەفر بارینی دەبێت هەموو ئەو ناوچانەی بەرزیان لە 750 مەتر بەرزە لە ئاستی رووی دەریا ئەگەری بەفری هەیە ,تا ڕۆژی سێ شەممە کاریگەری ئەو ناجێگیریەی کەش بەردەوامی دەبێت .

خێراى با / مامناوەند ( 10 – 20 ) کم/ک .
ئاراستەی با / باکووری ڕۆژئاوا
پلەکانی گەرما/ نزم دەبێتەوە لە ناوچە شاخاویەکان بۆ ژێر سفر پلەی سیلیزی دادەبەزێت
مەوداى بینین / 4– 6 کم دەبێت.

بەرزترین پلەکانی گەرمای پێشبینیکراو بە پلەی سیلیزی

هەولێر : 5 پلەی سیلیزی
سلێمانی : 2 پلەی سیلیزی
دهۆک : 1 پلەی سیلیزی
زاخۆ : 5 پلەی سیلیزی
هەڵەبجە : 3 پلەی سیلیزی
گەرمیان : 8 پلەی سیلیزی

PUKMEDIA