کەشناسی: خۆڵ و باران بارین هەرێمى کوردستان دەگرێتەوە

www.tayyar.org

باران بارین

بەڕێوەبەرایەتی گشتی کەشناسی و بوومەلەرزەزانی هەرێمی کوردستان پێشبینی 48 سەعاتی داهاتووی بڵاوکردەوە و بەپێی پێشبینیەکە، باران بارین بەردەوام دەبێت لەگەڵ بوونی تۆزێکی کەم لە هەوادا.

ئەمڕۆ شەممە 4ی4ی2026، ئاسمان لە نێوان نیمچە هەور بۆ هەوری تەواو دەبێت لەگەڵ ئەگەری بارینی نمە باران لە هەندێک کاتدا بە تایبەتی لە ناوچە شاخاویەکان و ناوچە سنووریەکان.

کەشناسی ئاماژە بەوەشدەکات: پلەی گەرما کەمێک نزم دەبێتەوە بە بەراوورد بە تۆمارکراوی دوێنێ.

 پەیوەست بە پێشبینییەکان بۆ سبەینێ یەکشەممە 5ی4ی2026، ئاسمان هەوری تەواو دەبێت، لە زۆربەی کاتەکاندا لەگەڵ بوونی تۆزێکی سووک، وە هەروەها بارینی نمە باران لە هەندێک کات و شوێنی جیا جیادا.

دەشڵێت: لە دوای نیوەڕۆ پێشبینی تاوە بارانی کورت خایەن لە سەرجەم ناوچەکاندا دەکرێت.

بەرزترین پلەکانی گەرمای بۆ سبەینێ:

هەولێر 17 پلەی سیلیزی
پیرمام 13 پلەی سیلیزی
سۆران 14 پلەی سیلیزی
حاجی ئۆمەران 10 پلەی سیلیزی
سلێمانی 16 پلەی سیلیزی
چەمچەماڵ 17 پلەی سیلیزی
دهۆک 17 پلەی سیلیزی
زاخۆ 17 پلەی سیلیزی
هەڵەبجە 17 پلەی سیلیزی
گەرمیان 20 پلەی سیلیزی

PUKMEDIA