سەرۆككۆمار جەخت لەهاوكاری نێوان حكومەتی فیدراڵی و هەرێم لەبارەی كشتوكاڵ و ئاو دەكاتەوە

راگەیاندنی سەرۆك كۆماری عیراق

نزار ئامێدی، سەرۆك كۆماری عیراق و بێگەرد تاڵەبانی، وەزیری كشتوكاڵ و سەرچاوەكانی ئاو

نزار ئامێدی، سەرۆك كۆماری عیراق، ئەمڕۆ 14 ی ئەیلول 2026، لە كۆشكی بەغداد، پێشوازی لە بێگەرد تاڵەبانی، وەزیری كشتوكاڵ و سەرچاوەكانی ئاوی حكومەتی هەرێمی كوردستان و وەفدی یاوەری كرد و جەختیان لەگرنگی هاوكاری نێوان حكومەتی فیدراڵی و هەرێمی كوردستان لەبارەی كشتوكاڵ و سەرچاوەكانی ئاو كردەوە.

لەمیانی دیدارەكەدا چەند پرسێكی پەیوەست بەكەرتی كشتوكاڵ و سەرچاوەكانی ئاو تاوتوێ كران، سەرۆك كۆمار جەختی لەگرنگی هاریكاری نێوان حكومەتی فیدراڵ و هەرێمی كوردستان كردەوە لەبارەی ئەم دوو پرسەوە، هەروەها چۆنیەتی چارەسەركردنی ئەو ئاڵنگارییانەی روبەڕووی كشتوكاڵ و سەرچاوەكانی ئاو دەبنەوە.

 سەرۆككۆمار، ئاماژەی بەوەدا كە گۆڕانی كەشوهەوا و كەمی ئاو و كەمبوونەوەی دابارینی باران وئاڵنگاریی زیاتر بۆ كەرتی كشتوكاڵ دروست دەكەن، هاوكات جەختی لەپێویستی گرتنەبەری پلانی بەردەوامی بەڕێوەبردنی سەرچاوەكانی ئاو و پەرەپێدانی شێوازی كشتوكاڵی بۆ یارمەتیدانی خۆگونجاندن لەگەڵ ئەم گۆڕانكاریانە و پاراستنی ئاسایشی خۆراك و ئاوی وڵات كردەوە.

لەلای خۆیەوە بێگەرد تاڵەبانی،  باسی لەدۆخی ئێستای كەرتی كشتوكاڵ و سەرچاوەكانی ئاوی هەرێمی كوردستان كرد و تیشكی خستە سەر پێویستی هەرە لەپێشنەكانی. هەروەها ئاماژەی بەگرنگی بەردەوامبوونی دیدار و هەماهەنگی لەبارەی پرسە هاوبەشەكانەوە كرد.

PUKMEDIA