دەستپێكردنی ساڵی نوێی خوێندن لە عیراق دواخرا

میدیاکان

خوێندكاران

دەستپێكردنی ساڵی نوێی خوێندن لە عیراق لە 20ی ئەیلوولەوە بۆ 11ی 10ی 2026 دواخرا، ئەمەش بە مەبەستی تەواوكردنی تاقیكردنەوەكانی خولی دووەم، ئامادەكردنی خوێندنگەكان و رەچاوكردنی بەرزی پلەكانی گەرما.

فەرمانگەی راگەیاندنی وەزیری پەروەردەی عیراق رایگەیاند: بەبڕیاری عەبدولكەریم عەبتان، وەزیری پەروەردەی عیراق و بە مەبەستی دیاریی كردنی كاتێكی پێویست بۆ تەواوكردنی تاقیكردنەوەكانی خولی دووەم و ئامادەكردنی خوێندنگەكان بۆ ساڵی نوێی خوێندن و رەچاوی بەرزی پلەكانی گەرما، دەستپێكردنی ساڵی خوێندنی 2026-2027 بۆ رۆژی یەك شەممە 11ی تشرینی یەكەم دواخرا.

راشیگەیاندووە: وەزیری پەروەردە دڵنیایی دەدات لە دابینكردنی هەموو پێداویستییە تەكنیكی و كارگێڕی خوێندنگەكان، پێش ئەوەی خوێندكاران لە سەرتاسەری عیراق دەست بە خوێندن بكەن.

ئەمەش لەكاتێكدایە، بڕیاربوو رۆژی  20ی ئەیلول یەكەم رۆژی دەستپێكردنی ساڵی خوێندنی 2026-2027 بێت. 

PUKMEDIA

دەقی بڕیارەكە: