Latîf Nêrweyî: Serdemê zext û tohmetên ne di cih bi ser çûye

PUKMEDIA

Latîf Nêrweyî

Latîf Nêrweyî bersiva Hêmin Hewramî dide û dibêje: Pêkanîna kabîneya hikûmeta Herêmê bi rêkeftinnameyê dibe, ne bi zextê.

Latîf Nêrweyî, endamê Serkirdayetiya Yekîtiya Niştimanî ya Kurdistanê (YNK), di peyamekê de bersiva Hêmin Hewramî dide û dibêje: Pêkanîna hikûmeteke xizmetguzar û dadperwer bi rêkeftineke hevseng dibe, ne bi zexteke zêde, serdemê zextê jî bi ser çûye.
Ev bersiva Nêrweyî ji bo daxuyaniyeke Hêmin Hewramî ye ku tê de gotibû: Me guşareke zêde li Yekîtiyê kiriye ji bo pêkanîna kabîneya nû ya hikûmeta Herêmê, her wiha Yekîtî bi derengxistina pêkanîna hikûmetê tohmetbar dike.

Endamê Serkirdayetiya Yekîtiyê her wiha dibêje: Cenabê te dibêjî 'Me ji pişka xwe daye YNK û ew razî nînin, em jî dibêjin kursiyên me niha wek hev in û divê bi hevbeşî û wekhevî bên dabeşkirin, ne ku hûn pişkê bidin me.
Wî got jî: Hûn dibêjin em bi rêkeftina navbera Yekîtî û Neweya Nû nerazî ne û wê rêkeftinê kêşe çê kiriye, em dibêjin rêkeftin hevsengiyê bo Herêmê vedigerîne û li dijî tu aliyekî nîne. Vegerandina hevsengiyê di berjewendiya Herêma Kurdistanê de ye, lewma tohmetbarkirina Yekîtiyê bi derengxistina pêkanîna hikûmetê tohmeteke nelojîkî ye û serdemê wan tohmetên ne di cih de bi ser çûye.

PUKMEDIA