YNKê piştî 12 salan baregeha xwe li Gir Uzêr ya Şingalê vekir

PUKMEDIA

Merasîma Vekirinê

Yekîtiya Nîştimanî ya Kurdistanê YNKê, piştî 12e salan, wek yekemîn hizba kurdî ku baregeha xwe li Gir Uzêr ya ser bi qeza Şingalê vekir.

Di merasîmeke taybet de bi amadebûna hejmareke zêde ji kesayetî, rûsipî û serokên êlên deverê, û bi beşdariya şandeke Yekîtiya Nîştimanî ya Kurdistanê (YNK), îro piştî sala 2014an, YNKê bû yekemîn hizba kurdî ku karî baregeha xwe li Gir Uzêr ya ser bi qeza Şingalê veke.

Di merasîmê de, şanda YNKê pîrozbahiya vekirina vê baregehê li gel û xelkê xweşewîst ê deverê kir û ragihand: Îro destkefteke mezin e ji bo Yekîtiya Nîştimanî ya Kurdistanê ku karî baregeha xwe veke, em hêvîdar in piştî 12 salan ji vekirina vê baregehê, em bikarin xizmeta xelk û welatiyên vê deverê û derdora wê bikin.

Gundê Gir Uzêr li qezaya Şingalê, li parêzgeha Neynewayê li bakurê rojavayê Iraqê, li başûrê Çiyayê Şingalê cih digire û yek ji gundên Êzidî yên girîng li herêmê tê hesibandin.

Hejmara niştecihên wê beriya bûyerên sala 2014an nêzîkî 18 hezar kes bûye, lêbelê piştî êrişa rêxistina DAIŞê bo ser Şingalê di meha Tebaxa 2014an de, rastî koçberiyeke berfireh hat; ev yek bû sedema guhereke mezin di hejmara niştecihên wê de ji ber koçberî, û niha vegera koçberan gav bi gav destpê kiriye.

PUKMEDIA