Swêd.. Li gorî encamên destpêkê çepgir li pêş rastgiran in

Ajans

Hilbijartinên Swêdê

Encamên destpêkê yên hilbijartinên giştî yên Swêdê ku roja yekşemê hatin lidarxistin, pêşbaziyeke pir nêzîk di navbera çep û rastgiran de nîşan dan û li gorî encamên destpêkê ti aliyekî nikaribû bi awayekî berbiçav serkeftinê bi dest bixe.

Li gorî amaran ku heta niha 95% ji dengan hatine jimartin, bereya çepgir a opozîsyonê karîbû 176 kursiyên parlementoyê bi dest bixe, herwiha bereya rastgiran jî karîbû 173 kursiyan bi dest bixe.

Ev yek di demekê de ye ku Ulf Kristersson ê serokwezîr û seroka opozîsyonê Magdalena Andersson amadebûna xwe ji bo serokatiya hikûmeta paşerojê ragihandin.
Bi cudakirina nêzîkî 95% ji dengan, çar partiyên opozîsyonê bi serokatiya Partiya Sosyal Demokrat, bi çend kursiyan zêdetir serkeftin bi dest xistiye.

Anderso ku di navbera salên 2021 û 2022an de serokwezîra Swêdê bû, got: Di vê demê de em di pêşengiyê de ne û eger ev yek bê piştrastkirin, wê Swêd xwediyê hikûmeteke nû be, lê partiya wê ku mezintirîn e li welêt nêzîkî 28% ji dengan bi dest xistiye.

Li hemberî vê yekê, Kristersson red dike ku mukir bê ku ti aliyek serketiyê hilbijartinan e û eger encam wekî xwe bimînin, ew ê rêz li hewldanên Andersson bigire ji bo avakirina hikûmetê, lê gumanên xwe derbarê şiyana çar partiyên opozîsyonê ji bo gihîştina bi bernameyeke hevpar a hikûmetê diyar kir, ji ber nakokiyên di navbera wan de.

Wî da xuyakirin: Di salên pêş de kîjan hikûmet wê Swêdê birêve bibe, wekî pirseke bêbersiv maye.

Partiya Demokratên rastgiran a Swêdê di sala 2010an de piştî ketina nava parlementoyê, yekem daxistin dît û pêgeha xwe wekî duyemîn mezintirîn partî li welêt ji dest da, encam jî di hilbijartinan de wekî surprîzekê bû.

Kristersson soz dabû ku eger biserkeve, ew ê partiyê bîne nava hikûmetê, ji ber ku di xula borî de pişta xwe dabû wê partiyê ji bo dabînkirina piştgiriya parlementoyê.

Li gorî encamên destpêkê yên hilbijartinên Swêdê, bereya çepgir a opozîsyonê nêzîk e ku piraniya parlementoyê bibe, her çend dibe ku piştî cudakirina tam a dengan, guhertin di kursiyan de çêbibin.


PUKMEDIA