Civîna aborî ya Amerîka û Çînê li New Yorkê tê lidarxistin

PUKMEDIA

Scott Bessent Wezîrê Gەncîneyê yê Amerîkayê û He Lîfeng, Cîgirê Serokwezîrê Çînê

Biryar e ku îro berpirsên bilind ên aborî yên Amerîka û Çînê li New Yorkê bicivin, di heman demê de zîrekiya çêkirî, bac û kanzayên bi nirx dê bibin mijarên sereke yên civînê.

Biryar e ku îro di 20ê Îlona 2026an de, Skot Bêsênt Wezîrê Gencîneyê yê Amerîkayê û Hî Lîfêng, Cîgirê Serokwezîrê Çînê, li New Yorkê bicivin û armanca vê civînê jî amadekirina zemîne û rêkeftinê di navbera her du welatan de ye.

Civîn, ku Cîmîsin Giryer, Nûnerê Bazirganiyê yê Amerîkayê jî dê tê de beşdar bibe, gelek pirsên hesas dihewîne, ku yê herî girîng bazirganî, bac û hewldanên ji bo kêmkirina baca gumrikê li ser kelûpelên nastratejîk in.

Di heman demê de gotûbêjkirina li ser modelên zîrekiya çêkirî (AI) û danîna rêwşûnî hevpar ji bo dûrketinê ji xetereyên zîrekiya çêkirî dê bibin mijareke din a civînê.

Biryar e ku di civînê de dabînkirina kanzayên hestyar û magnatîza erdê ku ji bo pîşesaziya teknolojiya pêşketî û hilberîna çîpan tên bikaranîn, bên gotûbêjkirin.

Hêjay gotinê ye ku ev civîn berdewamiya wan hewldanên dîplomatîk e ku di dema borî de di navbera her du welatan de hatine birêvebirin, di heman demê de şandeyeke mezin a bazirganî ya çînî hevrêtiya Cîgirê Serokwezîrê Çînê dike ji bo beşdarbûna di şêwirmendiyên aborî de beriya destpêkirina lûtkeya serkirdeyan.

PUKMEDIA