Karwan Gezneyî: Yekîtî li ser sozên ku di dema hilbijartinan de daye gel bi sor e

PUKMEDIA

Berdevkê YNK Karwan Geznayî

Karwan Gezneyî, Berdevkê Yekîtiya Nîştimanî ya Kurdistanê (YNK) ragihand: YNK li ser daxwazên xwe yên ji bo avakirina hikûmetê û wan sozên ku di dema hilbijartinan de dane gelê Herêma Kurdistanê bi sore û deriyê me yê diyalogê vekirî ye.

Yekîti cihê baweriya welatên cîran û cîhanê ye

Îro 20ê Îlona 2026an de, Karwan Gezneyî, Berdevkê Yekîtiya Nîştimanî ya Kurdistanê, di kongreyeke rojnamevaniyê de ragihand: Hefteya borî şandeya bilind a Yekîtiyê bi serokatiya Serok Bafil gihîşt Taranê û ji aliyê Serokkomarê Îranê, Serokê Parlamentoyê, Wezîrê Derve yê Îranê û berpirsên bilind ên ewlehiyê ve hate pêşwazîkirin. Ev jî nîşaneya wê rastiyê ye ku Yekîtî wekî hêzeke bi bandor li qada siyasî ya Îraqê roleke bi bandor û çalak dilîze û bûye cihê pêbaweriyê li ser asta welatên cîran û cîhanê.

Wî her wiha ragihand: YNK têkiliyeke xurt bi Komara Tirkiyeyê, welatên Kendavê, Brîtanya, Fransa û Amerîkayê re heye û armanca wê ew e ku têkiliyeke xurt a siyasî, navxweyî û herêmî hebe ji bo parastina ax û gelê Kurdistanê û van têkiliyên hevpar bixe xizmeta gelê me.

Deriyê danûstandinê yê Yekîtî vekirî ye

Derbarê avakirina kabîneya dehemîn a Hikûmeta Herêma Kurdistanê de jî Karwan Gezneyî got: Yekîtiyê dixwaze kabîneya nû ya hikûmetê li ser bingeha hevsengiyê û hikûmeteke ku nûnertiya giştî aliyan û xelkê Kurdistanê bike bêyî cudakarî ava bike, di heman demê de Yekîtiyê li ser wan sozên ku di dema hilbijartinan de daye xelkê Herêma Kurdistanê bi sore û deriyê me yê gotûbêjê vekirî ye.


Ev jî xiste rû: Di heyama borî de Yekîtî wekî partiyek wêrek, camêr û bêhtir bi zanebûn dest bi guhertinên navxweyî kir û xwe ji bo qonaxa nû ya têkoşînê û xizmeta pirtir a xelkê Kurdistanê nû kir, her wiha guhertinên navxweyî yên Yekîtî bi rengekî erênî berdewam in û cih û pêgeha hemû endamên me parastî ye.

Yekîtiya Niştimanî ya Kurdistanê bi hevpeymaniya bi Newey Niwê re pabend e

Berdevkê Yekîtiyê her wiha ragihand: Yekîtiya Nîştimanî ya Kurdistanê bi hevalbendiya xwe ya bi Nifşê Nû re pabend e û em berdewam in, ji ber ku serokê Yekîtiyê û partiya wî bi dost û neyaran re rastgo ne û siyaset li cem me tê wateya şefafiyetê di biryarê de û rastgohiyê di cîbicîkirina wê de, em tê digihîjin ku hin kes dixwazin pirsgirêkan ji bo wê hevalbendiyê çêbikin, lê belê baweriya me ya tam bi xwe, bi dostên xwe û bi taybetî bi Kak Şaswar û Tevgera Nifşê Nû re heye.

Karwan Gezneyî herwiha got: Di navbera cenabê Qubad Talebanî û cenabê Mesrûr Barzanî de civîneke erênî pêk hat, lê ti lihevkirinek tê de nehate kirin û behsa dabeşkirina post û pileyên kabîneya dehem a hikûmeta herêmê nehate kirin, ger lihevkirin çêbibe em ê eşkere bikin.

Karwan Gezneyî: Yekîtî li ser destê Mam Celal darêjerê projeya aştiyê bû

Ev jî diyar kir: Yekîtiya Nîştimanî ya Kurdistanê (YNK) mîrateke mezin a peywendiyên navneteweyî ji Serok Mam Celal jêre maye û niha jî di bin serokatiya Serok Bafil de peywendiyên me di asteke dilxweşker de ne.
Karwan Gezneyî her wiha ragihand: Yekîtî li ser destê Serok Mam Celal darêjerê pêvajoya aştiyê bûye û niha jî berdewamkerê wê rêbazê ne û em dixwazin ku pêvajo encameke baş ji bo xwîşk û birayên me yên li Bakurê Kurdistanê re hebe.


PUKMEDIA