Parêzgarê Hesekê: Aramî û aktîvkirina dadgehê xalên sereke ne

Ragihandina Parêzgar Hesekê

Aliyekî Civînê

Parêzgarê Hesekê Nûredîn Ehmed, di çarçoveya şopandina rewşa heyî û xurtkirina têkiliyên bi kesayetiyên civakî û eşîrî yên herêmê re bi hejmarek ji axa û rûspiyên eşîran ên devera Qamişlo re civînek li dar xist.

Di civînê de li ser pêşketinên dawî û rewşa giştî hate gotûbêjkirin, herwiha li ser rêyên xurtkirina têkiliyên di navbera hemû pêkhateyên civakê de û xurtkirina hevkarî û koordînasyonê hate rawestan, bi awayekî ku beşdarî piştgirîkirina îstîqrara civakî û parastina aştiya civakê bike.

Nûredîn Ehmed di gotina xwe de tekez kir ku qonaxa heyî hewce dike ku mirov xwe kontrol bike û ji gotara nefret û handanê dûr bikeve, û diyar kir ku xebat li ser belavkirina ewlehî û aramiyê li herêmê, xurtkirina têgihiştin û hevkariyê di navbera hemû aliyên civakî û pêkhateyan de tê rawestandin, bi awayekî ku aştiya civakê were parastin û îstîqrar bê xurtkirin.

Parêzgarê Hesekê, piştrast kir ku dabînkirina ewlekarî û aramiyê li parêzgehê, û lezandina aktîvkirina saziya dadgehê, di qonaxa heyî de pêşîniyên bingehîn in, û li ser girîngiya hevrêziya hewldanên fermî û civakî û xurtkirina serweriya zagonê rawestiya.

Di civînê de rewşa heyî hate gotûbêjkirin, li raman û nêrînên rûsipiyan hate guhdarkirin û girîngiya xurtkirina têkiliyê û hevkarî ji bo parastina aştiya civakî û aramiya li parêzgehê hate tekez kirin.

PUKMEDIA