Macron: Li ser pêşxistina hevkariya bi Îraqê re dixebitin

WAA

Falih Zeydî û Macron

Serokwezîrê Îraqa Federal Elî Falih El-Zeydî, gihîşt Koşka Serokatiya Fransayê (Elîze) û ji aliyê Serokê Fransayê Emmanuel Macron ve hate pêşwazîkirin.

Serokê Fransayê Emmanuel Macron îro roja Duşemê ji Serokwezîr re piştrast kir ku pêşxistina hevkariya parastinê û ewlehiyê bi Îraqê re tê wateya berdewamkirina têkoşîna li dijî terorê bi hev re.

Macron got: "Hilbijartina Fransayê wekî rawestgeha yekem ji aliyê Serokwezîrê Îraqê ve di gera xwe ya Ewropî de, hilbijartineke girîng e ku şiyana Fransayê ya lîstina roleke hevseng nîşan dide."

Her weha anî ziman ku "karê ji bo îstiqrara herêmê tê wateya parastina berjewendiyên gelê Fransayê", û da xuyakirin ku "misogerbûna dabînkirina enerjiya me bi rêya kêmkirina aloziyê û pêşxistina rêyên alternatîf ji bo Tengava Hurmizê dê zexta li ser bihayên sotemeniyê kêm bike."

Macron wiha domand: "Pêşxistina hevkariya me di warê parastinê û ewlehiyê de bi hevkarên me re tê wateya berdewamkirina têkoşîna bêeman li dijî terorê bi hev re," û tekez kir ku "dîplomasiya me ji bo vê armancê jî dixebite, bi rêya parastina hêza kirînê ya Fransiyan bi rengekî berbiçav û misogerkirina ewlehiya wane."

Elî Zeydî dê di gera xwe ya derve de bi Serokê Fransayê Emmanuel Macron û Serokê Almanyayê Friedrich Merz re bicive, ku tê de dê komek dosye û pirsên herêmî û navneteweyî yên xwedî berjewendiya hevbeş werin gotûbêj kirin.

Her wiha di serdanê de dê çend yadaştnameyên têgihiştinê di warên enerjî, ewlehî, veguhestin, perwerde û çandê de bên îmzekirin, bi armanca xurtkirina pira hevkariyê û bihêzkirina peywendiyên duqûlî.

PUKMEDIA