Welatên YE biryar dan dorpêçên li ser Rûsya dirêj bikin

Hurriyet

Ala YE

Welatên Yekîtiya Ewropa (YE) li hev kirin ku karsaz Alîşer Usmanov û Mikhail Fridman ji lîsteya mueyîdeyan derxînin, di heman demê de tedbîrên sînordarkirinê yên li dijî zêdetirî 3 hezar kes û saziyan ji bo 36 mehên din dirêj bikin.

Li gorî raportek li ser malpera Politico, balyozên welatên endam yên YE li Brukselê civiyan daku li ser nûkirina çarçoveya dorpêçên li dijî Rûsya gotûbêj bikin.

Di civînê de, li hev hat kirin ku dorpêçên ku li ser zêdetirî 3 hezar kes û saziyan hatine sepandin, dê di 36 mehên bê de di meriyetê de bimînin, lê karsaz Usmanov û Fridman dê ji navnîşê werin derxistin.

Ev yek di demekê de ye ku biryara fermî dê piştî ku welatên endam pêvajoya nivîskî temam bikin were ragihandin.

Li gorî sizayên takekesî yên YEyê, mal û milkên kes û saziyên di lîsteyê de tên cemidandin û qedexeyên seyahetê jî li ser kesan tên sepandin.

PUKMEDIA