Bi beşdariya Serok Bafil, Dîdara Mêrî 2026 tê lidarxistin

PUKMEDIA

Bafil Celal Talebanî

Sibe karên Korbanda Salane ya Dîdara Mêrî 2026, di bin çavdêriya Enstîtuya Rojhilata Navîn a ji bo Lêkolînan (Mêrî) de dest pê dikin, ku dê du rojan bidome û tê de hejmareke berbiçav ji serokên siyasî, balyozên biyanî û pisporên xwecihî û navneteweyî beşdar bibin da ku paşeroja siyasî û ewlehiya navçeyê gotûbêj bikin.

Li gorî bernameya fermî ya dîdarê, roja yekem dê bi axaftineke Dilawer Eledîn, Serokê Enstîtuya Rojhilata Navîn a ji bo Lêkolînan dest pê bike û tê de şeş panelên giring birêve biçin û ronahî li ser hikumraniya li Îraqê û stratejiya nû ya Herêma Kurdistanê li navçeyê bê xistin.

Di heman demê de di yek ji panelên sereke de ku di demjimêr 11:20ê sibê de birêve diçe, Bafil Celal Talebanî Serokê Yekîtiya Nîştimanî ya Kurdistanê (YNK) bi Serheng Heme Seîd pisporê diyalog û avakirina aştiyê re dê beşdarî panelekê bibin bi navê: Avakirina Kurdistaneke Xurtir: Yekgirtin, Ewlehî û Hevparîya Navçeyî.

Her wiha dîdar dê roja sêşemê jî bidome û dê zincîreke panelên din birêve biçin ku tê de Qubad Talebanî Cîgirê Serokê Hikûmeta Herêmê beşdarî panelekê dibe bi navê: Kurdistan di Xala Werçerxanê de: Ewlehî, Federalîzm û Peymaneke Siyasî ya Nû.

Dîdara Mêrî çalakiya salane ya sereke ya enstîtuyê ye, ku dîzayinkarên siyasetê yên xwecihî, nîştimanî û navneteweyî, akademîsyen, serokên nêrînê, çalakvanên civaka sivîl, rojnamevan û dîplomatan tîne cem hev. Ew sekoyeke ji bo gotûbêjkirina pirsên herî giran ku bandorê li ser navçeyê dikin û pêşkêşkirina çareseriyên pratîkî ji bo biryarderan peyda dike. Armanca dawî ya korbandê pêşxistina aştî, aramî û xweşguzeraniyê li Îraq û Rojhilata Navîn e bi rêya gotûbêjên avaker, beşdariya giştî û veberhênana hevpar di paşerojê de.


PUKMEDIA