Macron gefan li xwepêşanderan dixwe û sendîka gefa grevê dixwin

Ajans

Nerazîbûnên li Fransa

Serokê Fransayê Emmanuel Macron, careke din daxwaza xwe nû kir ji bo rûbirûbûneke tund li dijî berpirsên tundûtûjiya ku li Fransayê di dema xwepêşandanên buhabûna jiyanê de qewimîn, di heman demê de Serokwezîr Sébastien Lecornu bi sendîkayan re civînek li dar xist daku daxwazên xwepêşanderan gotûbêj bikin û ewlehiya xwepêşandanan misoger bikin.

Macron, di dema serdaneke xwe de bo Qeterê di nav geşteke Kendavê de, got ku "divê destê dewletê nelerize" di cezakirina tevlihevkeran (xwepêşanderan) de, û tekez kir ku tedbîrên ewlehiyê yên ku ji aliyê desthilatdaran ve hatine girtin, bûn sedema vegera aramiyê.

Serokê Fransa zêde kir ku ewê îro Pêncşemê civînekê bi serokwezîr, berpirsên saziyên îstîxbaratê û wezîrên peywendîdar re li dar bixe, daku bûyerên dawî binirxîne, û tekez kir ku rewş heta niha pêwîstiyê bi ragihandina rewşa awarte nake.

Daxuyaniyên Macron piştî wê yekê tên ku bajarên Fransayê roja Şemiya borî, di çarçoveya xwepêşandanên li dijî buhabûna jiyanê de, şahidiya tundûtûjî, talan û wêraniyê kirin, û ev yek bû sedema rexneyên berfireh li ser karê hikûmetê.

Li hemberî van rexneyan, Macron tekez kir ku ew hemû cureyên tundûtûjiyê red dike, çi li dijî kesan be, an jî li dijî mal û mulkan be, û hebûna destwerdaneke derve ya rasterast di aloziyan de red kir, lê belê wî "lîstikên derve bi agahiyan re" şermezar kir.

Sekretera Giştî ya Konfederasyona Giştî ya Kar (CGT), Sophie Binet, got ku di civînê de behsa tedbirekî berbiçav derbarê daxwazên karkeran û xwendekarên lîseyan de nehatiye kirin, û bang kir ku çalakî bi rêya grevê ji 5ê Mijdarê ve bên tundtirkirin.

Dozgera Giştî ya Parîsê, Laure Beccuau, ragihand ku 300 kes ji 557 kesên ku bi tohmeta tundûtûjî û talanê hatine girtin, derketine pêşberî dadgehê, û da zanîn ku ji wan tu kesî ti parêzvaniyeke siyasî eşkere nekiriye, di demekê de ku hikûmet komên çepgir ên tundrew bi bskirina aloziyan tohmetbar dike.

PUKMEDIA