Qubad Talebanî Navenda Endezyarî ya Armat li Ranyayê vekir

PUKMEDIA

Qubad Talebanî

Di çarçoveya hewldanên xwe de ji bo pêşxistina perwerdeya teknolojîk û xurtkirina kapasîteyên ciwanan, Qubad Talebanî Navenda Dahênana Endezyarî ya Armat (Armath Engineering Makerspace - RRDA) li Saziya Pêşxistina Herêmî ya Ranyayê vedike.

Îro 22ê 10ê 2026an, bi amadebûna Qubad Talebanî, Cîgirê Serokwezîrê Herêmê, Navenda Dahênana Endezyarî ya Armat hat vekirin, ku armanca wê naskirina ciwanan e bi zanistê û peydakirina derfetên fêrbûna kirarî, nûvekirin, endezyarî û teknolojiya pêşketî ji bo wan.

Qubad Talebanî di daxuyaniyekê rojnamevanî de ragihand: Armanca me ew e ku em vê deverê pêş bixin û derfetên kar ji bo hemû çîn û texan peyda bikin, bi taybetî li wan navçeyên ku li derveyî bajaran in, û armanca me ew e ku em hemû navçeyan pêş bixin.

Diyar jî kir û got: Rêveberiya Raperînê deriyê şoreşê û serhildanê ye û îro jî şahidiya raperîneke di warê pêşveçûna teknolojiya, zanistî û nûjen de dike, û gelek projeyên din ên xizmetguzariyê yên me hene ku dê li devera Rapَerînê werin cîbicîkirin.

Aşkira jî kir: Derfet ji bo pêşxistina Rêveberiya Raperînê mezin û pir in, û em niha kar dikin ji bo giringîpêdana bi sektora veberhênanê, ji ber ku îmkanên hikûmetê ji bo cîbicîkirina van projeyan sînorkirî ne, lewma em hemû hêsankariyên pêwîst pêşkêşî veberhêneran dikin daku projeyên cûrbecûr li îdareya Raperînê cîbicî bikin.

Qubad Talebanî da zanîn ku: Dem hatiye ku hikûmeta nû ya Herêma Kurdistanê bê avakirin, lê belê em xemgîn in ku hevalên me yên di civaka navneteweyî de nêzîkî bêhêviyê dibin, û dema ku em bi her berpirsekî navneteweyî re rûdinin, ew pirsa avakirina hikûmeta nû ji me dikin, divê em hikûmetê avabikin û pirsgirêkan deynin aliyekî.

Tekez jî kir û got: Em ê şaxên din ên Navenda Endezyarî ya Armat li navçeyên din ên wekî Silêmanî, Helebce û navçeyên din vekin.

Navenda Armat yekem navend e ji vî curî li Îraqê û duyemîn e li Rojhilata Navîn ku bi piştrastbûna bi modelekî perwerdeyî ya navneteweyî, bi taybetî ciwanên temenê 10 heta 18 salî armanc digire û hewl dide jîngeheke guncaw ji bo fêrbûn, ceribandin, avakirin û pêşxistina ramanên dahêner bide xebitandin.

Armat tenê navendek nîne ji bo xwendina dersan an fêrbûna teorîk a teknolojiyê, belkî cihek e ku xwendekar tê de bi awayê kiryarî fêrî avakirin, dîzaynkirin, bernamesazî û bikaranîna teknolojiyê dibin.

Ev bernameya perwerdeyî li Ermenistana ji aliyê Yekîtiya Kompaniyên Teknolojiya Pêşketî (UATE) ve hatiye dayîn û di asta navneteweyî de wekî modelekî ji bo fêrbûna kiryarî ya teknolojiyê tê naskirin.

Xwendekar fêr dibin ku çawa bîrokeyên xwe veguherînin projeyên û berhemên rasteqîne; çawa pirsgirêkan çareser bikin, çawa bi awayê tîm kar bikin û kapasîteya xwe ya dahênan û bîrkirina rexnegirî pêş bixin.

Bername çend warên girîng ên teknolojî û endezyariyê digire nav xwe, di nav de:

Robotîk û bernamesazî: Fêrbûna avakirin û bernamesaziya sîstemên zîrek, dîzayna sê-alî (3D) û çapkirin: Veguherandina dîzayn û bîrokeyên dîjîtalî bo berhemên fîzîkî.

Endezyarî û berhemanîna dîjîtalî: Nasîn û bikaranîna teknolojiyên CNC, birîn bi lêzer û konkirin, elektronîk û teknolojiyên pêşketî: Fêrbûna bingehên sîstemên elektronîk û balafirên bêmirov (UAV).

Dahênan û çareserkirina pirsgirêkan: Pêşxistina kapasîteya bîrkirinê, çareserkirina pirsgirêkan û xebata hevbeş.

Ev navend dikare alîkar be di:

Nasîn û pêşxistina jêhatîbûn û kapasîteyên ciwanan di warê endezyarî û teknolojiyê de.
Xurtkirina kapasîteya çareserkirina pirsgirêkan û bîrkirina dahênerane, pêşxistina çandeya xebata tîmê û cîbicîkirina projeyên kirarî.
Amadekirina ciwanan ji bo têgihiştina derfetên aboriya dîjîtalî û guhertinên teknolojîk ên paşerojê.

Avakirina jîngeheke fêrkerî ku tê de zanist û teknolojî ji xwendina teorîk ve tê veguhestin bo ceribandin û berhemanîna kiryarî.

Tora navendên Armat di asta navneteweyî de di geşedanê de ye û zêdetirî 650 navendên dahênana endezyariyê, 17 hezar xwendekarên çalak û 7 hezar derçûyên wê hene.

Bername li Ermenistan, Gurcistan, Bengladeş, Kuweyt, Amerîka, Fransa û Îraqê de heye.

Peyama sereke ya vê destpêşxeriyê ew e ku dahênan nabe ku bi sînorên erdnîgarî were sînorkirin; divê ciwanên Ranyayê hamû derfetên fêrbûn, avakirin û beşdarbûnê di şekildana paşeroja teknolojî û endezyariya xwe de hebin.

PUKMEDIA