Bihayê petrolê li bazarên cîhanê zêdetir bilind bû

PUKMEDIA

Petrol

Îro bihayê petrolê li bazarên cîhanê berê xwe da bilindbûnek zêdetir, ev jî ji ber zêdebûna nîgeraniyan derbarê egera têkçûna proseya dabînkirina enerjiyê û êrişên Hûsiyan bo ser Siûdiyê.

Îro înê 23/10/2026 li gorî agahiyên ajansa Reutersê, peymanên paşxistî yên petrola xav a Brêntê bi rêjeya %0.5 bilind bûn û gihîştin 113.75 dolarî ji bo her bermîlekî, li hemberî wê jî, nefta xav a Teksasa Rojavayê ya Amerîkî (WTI) bi rêjeya %0.7 bilindbûn tomar kir û bihayê wê ji bo her bermîlekî bilind bû bo 100.13 dolarî.

Şîrovekar hişyariyê didin ku derketina her pevçûneke din li Kendava Farsê de, dê bibe sedema mayîna metirsiyên jeopolîtîk li ser bihayên neftê, bi corekî ku dem û qebareya her qutbûnekê di dabînkirina enerjiyê de, arasteya paşerojê ya bazarê diyar dike.

Di heman demê de, hilberîna petrolê li welatê Lîbyayê jî kêm bûye.

Van pêşketin û guhertinên bazarê careke din tekezî li ser hestiyariya bihayên neftê li hemberî aloziyên jeopolîtîk, pirsgirêkên dabînkirinê û parastina ewlehiya rêgehên sereke yên veguhestinê yên cîhanî dikin.

PUKMEDIA