Li Çînê ji ber erdhejê 16 kes jiyan ji dest dan

PUKMEDIA

Çîn

Ji ber erdheja ku şevê borî li Çînê çêbû, zêdetirî 16 kesan jiyana xwe ji dest dan û bi sedan mal hilweşiyan û lêgerîna li pey qurbaniyan dewam dike.

Şeva borî erdhejeke bi hêz bi mezinahiya 7 pileyî li gora pîvana Rêxter û di kûrahiya 10 kîlomêtreyan de, bajarê Naçoyê yê li Tîbeta başûrê Çînê hejand. Li gorî amarên destpêkê, ji ber vê yekê 16 kesan jiyana xwe ji dest dan û 65 kesên din jî birîndar bûn ku rewşa tenduristiya 11 kesan ji wan xirab e û amarên qurbaniyan her diçe bilind dibin. Di heman demê de ziyaneke mezin a madî jî çêkiriye, bi vî rengî zêdetirî 330 avahî û mal hilweşiyane û ziyan dîtine.

Li gorî agahiyan, piştî erdheja sereke û bi hêz, zêdetirî heft paşlerzên din bi mezinahiya 4.3 heta 5.2 pileyî û di kûrahiya 10 kîlomêtreyan de hatine tomarkirin. Her wiha tevahiya wan çîmanên ku di navçeyê re derbas dibin, çûnihatina xwe rawestandin.

Ji ber vê yekê jî ji bo hawarçûna li mexdûran, zêdetirî hezar û 600 kes bi xwebexş tevlî tîman bûn û di pêvajoyê de cih digirin.


PUKMEDIA