Ferîq Seid Mein: Zêdeyî mîlyonekî çek hatine komkirin

Êraq 09:53 PM - 2026-10-31
Serokê Şaneya Ragihandina Ewlehiyê ya Îraqê Feriq Seid Mein PUKMEDIA

Serokê Şaneya Ragihandina Ewlehiyê ya Îraqê Feriq Seid Mein

Di çarçoveya pêngava sînorkirina çekan di destê dewletê de, zêdeyî mîlyonek û 191 hezar çekên bêmolet hatine komkirin, û Serokê Şaneya Ragihandina Ewlehiyê ya Îraqê jî daxwaz ji welatiyan dike ku ji bo bidawîanîna diyardeya çekdarî alîkariya hikûmetê bikin.

Ferîq Seid Mein, Serokê Şaneya Ragihandina Ewlehiyê ya Îraqê ragihand: Di hefteya borî de, Lijneya Niştimanî ya ji bo Rêkxistin û Komkirina Çekan di Destê Dewletê de, 8 hezar û 731 çek qeyd kirin û bi vê yekê jî tevahiya wan çekên ku di pêvajoya komkirina çekan di destê dewletê de hatine komkirin, gihîşt zêdeyî mîlyonek û 191 hezar çekî.

Wî her wiha got jî: Em ê her di nava hewldanan de bin ji bo paqijkirina bajaran ji çekên bêmolet û bidawîanîna diyardeya çekdarî ya li derveyî çarçoveya dewletê.

Serokê Şaneya Ragihandina Ewlehiyê ya Îraqê daxwaz ji welatiyan kir ku di vê pêngava niştimanî de alîkariya hikûmetê bikin.

PUKMEDIA

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket