Keçeke kurd a Efrînê dibe firokevan

multimedia 03:30 PM - 2026-11-03
Firokevana kurd Sîlva Şeref Kurdistanî Nwê

Firokevana kurd Sîlva Şeref

Rojavayê Kurdistanê

Keçeke kurd a xelkê Rojavayê Kurdistanê li welatê Îrlandayê dibe firokevana sivîl û hêvî dike ku li asmanê Kurdistanê ya Mezin bifire û li firokexaneyên Silêmaniyê, Hewlêrê û Qamişloyê dakeve.

Di vî warî de Silva Şeref ji "rojnameya Kurdistanî Nwê" re axivî û got: Ji zarokatiyê ve her tim hezkirina min ji bo wê yekê hebû ku ez bibim firokevan û min bi berdewamî xewna firokevaniyê didît, ev salek e ku ez li Îrlandayê dijîm û min navê xwe li kolêja akademiya firokevaniyê tomar kir û di nava hemû xwendekarên wî beşî de min karî pileya yekem bi dest bixim.

Silva Şeref her wiha got: Gihîştina bi pîşeya firokevaniyê ne tenê xewn e, belku pêwîstiya wê bi Hewldana berdewam, perwerde û ceribandinên zêde heye di akademiya firokevaniyê de, di şeş mehan de min bi berdewamî li kolêja firokevaniya sivîl a li Îrlandayê rahênan û perwerde kir.

Got jî: Ez gelekî kêfxweş im ku di çend rojên borî de ji bo cara yekem geşta firokeya biçûk li ser asmanê Îrlandayê ceriband û nêzîkî demjimêrekê li asmanî mijûlî firokevaniyê bûm.

Di dawiyê de Sîlva got: Ji bo demê sê salan ez korsa firokevaniyê bi temamî diqedînim û paşê bi awayekî fermî dibim firokevan û geştê ji bo welatên din dikim, xewn û armanca min e ku wekî keçeke firokevan a kurd li asmanê Kurdistanê ya Mezin bifirim û li firokexaneyên Silêmaniyê, Hewlêrê û Qamişloyê dakevim.

Silva Şeref di sala 2008an de li bajarê Efrînê yê Rojavayê Kurdistanê ji dayik bûye û piştî derketina şoreşa gelên Sûriyê di sala 2012an de tevî malbata xwe koçberî Libnanê bûye û piştî salekê çûne Îrlandayê û niha li wir dijîn.

PUKMEDIA

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket